Mozal Legea ezartzeak kazetarien eta erreportari grafikoen lanerako askatasuna mugatzen duela iritzi du RSFk eta nabarmendu du “autozentsura” eragin dezakeela.
Mundu mailan kazetarien eskubideen defentsan aritzen den Mugarik Gabeko Erreportariak (Reporters Sans Frontìeres) erakundearen Espainiako atalak Herritarren Segurtasunerako legearen kontrako jarrera erakutsi du beste behin, ARGIAko Axier Lopez kazetariari txio baten ondorioz Espainiako Ordezkaritzak 601 euroko isuna jarri ondoren: “Mozal Legea gogortasunez hasi dira ezartzen, informatzaileen askatasuna murriztuz”.
Lopezen kasuaz gain, Raul Capín argazkilariari sententzia judizial bidez jarritako 1.260 euroko isuna ere salatu du RSFk. Capini egozten diote 2013an “Herritarren Marea” mobilizazioen berri ematen ari zela polizia baten lana oztopoatzea.
Gasteizko udaltzain batek polizia operazio baten irudiak hartzea debekatu nahi izan zion mehatxuka ARGIAko kazetari bati 2020ko maiatzaren 7an. ARGIAk salaketa aurkeztu zuen Gasteizko Herritarren Defendatzailearen aurrean. Sindikoak arrazoia eman dio ARGIAri: Polizia grabatzea... [+]
Iragan maiatzaren 7an eta 8an ARGIAko eta HALA BEDIko kazetarion lana oztopatu zuen Poliziak Gasteizen, mehatxuak eta gezurrak erabilita. Bi hedabideok Ertzaintza eta Gasteizko Udaltzaingoaren jarrera salatu dugu Arartekoan eta Gasteizko Sindikoan aurkeztutako kexen bidez.
Gasteizko Udaltzaingoa legea urratuz sartu zen okupatutako etxebizitza batean ostegun gauean. ARGIAko kazetari bat han zen lanean. Udaltzainetako bat, legeak dioenari muzin eginez eta gezurrak erabiliz, kazetariaren lana oztopatzen saiatu zen desalojoaren lekukotasun grafikorik... [+]