Mozal legearen aurka Euskal Herrian ere protestak egin dituzte

Uztailaren lehenetik indarrean da Espainiako estatuan Herritarren Segurtasun Lege berria. Euskal Herriko hainbat hiritan protestak egin dituzte lege honek dakartzan eskubide galerak salatzeko.

Bilboko erdigunea hartu zuen Mozal Legearen aurkako protestak, eta Ertzaintza iritsi zen bertara. (argazkia: Herrikolore)

Iruñean Merindades plazan egin dute elkarretaratzea asteartean. Gerturatutakoen artean, ahoak mozalez estalita agertu dira batzuk, lege berriak dakarren eskubide urraketa islatuz.

Irunean Merindades plazan egin dute elkarretaratzea (argazkia. ahotsa.info)

Bilbon ere, asteartean, Plaza Biribilean protestak egin dituzte, hiriko erdigunea hartuz. Mobilizazioetako partaide batek adierazi duenez, “adierazpen askatasunaren eta protesta eskubidearen aurkako eraso bat gehiago” da Mozal Legearen aplikazioa: “Kalean jarraituko dugu gure eskubideak borrokatzen”.

Bilboko erdigunean jendetza bildu zen protestara (argazkia: Herrikolore)

Donostian, ehunka pertsonek manifestazioa egin dute Bulebarretik abiatuta asteazkenean. Mozal legeari EZ zioen pankarta laranjarekin zeharkatu dituzte erdiguneko kaleak manifestariek.