Mozal Legea ezarri dio Gasteizko Udaltzaingoak emakume bati, komisaldegian izandako elkarrizketa baten ondorioz

  • Emakume batek bere semeari bizikleta lapurtu ziotenean behar bezalako tratua ez zuela jaso leporatu zien poliziei eta ostean jarri zioten isuna. Gasteizko Herritarren Defendatzaileak Udaltzaingoaren jarrera salatu du.

Hala Bedi @halabedi
2017ko urriaren 27a

Urriaren 12an, Gasteizko Udaltzaingoak hainbat herritar mehatxatu zituela kontatu genuen Hala Bedin. “Agur 78” ekimenaren baitan, hainbat gazte identifikatu zituzten Udaltzainek, haietako asko komisaldegira eramanez.

Baina ez da lehenengo adibidea. Eta badirudi ere ez dela azkena izango. Oraingoan, Agirrelandako komisaldegian bertan izandako elkarrizketa baten ondorioz ezarri nahi diote Mozal Legea emakume bati.

2016ra begira jarri behar gara kasua ulertzeko. Urte horretako abenduaren 3an, bizikleta bat lapurtu zioten gazte bati Gasteizen. Hurrengo egunean, gaztearen ama komisaldegira joan zen salaketa jartzera. Ez zioten salaketa onartu: “Bueltatu beste egun batean”, esan zioten poliziek. “Polizia gutxi gaude eta lanpetuta“, horrela justifikatu zuten euren burua.

Baina kontua ez zen hor gelditu. Emakumea komisaldegira sartu zen errieta egiteko poliziei: “Cómo podéis tener las espaldas tan anchas”, leporatu zien udaltzainei. NAN-a eskatu zioten, datuak hartu eta berriz itzuli zioten. Emakumeak idatzitakoaren kopia eskatu zuen. Udaltzainek, aldiz, ez zioten eman. 

Abenduaren 16an, salaketa bat jarri zuen emakumeak, jasotako tratu txarra azpimarratuz. Egun batzuk lehenago, Udaltzaingoaren arduradunetako batek dei egin zion emakumeari, barkamena eskatzeko. 

Baina badirudi ez zuela ezertarako balio izan. 200€-ko isuna iritsi zaio emakumeari, Mozal Legea aplikatuz. “Autoritateari errespetu falta” egotzi diote.

Sindikoak, Gasteizko Herritarren Defendatzaileak, isun hau salatu du, emakumearen bertsioari zilegitasuna emanez. Herritarren Segurtasunerako Legea ez dela betetzen leporatu dio Sindikoak Udaltzaingoari. 

Gasteizko Udalaren gehiengoa Mozal legearen aurka agertu zen 2015eko uztailaren 31n. Legea bertan behera uztea, ez aplikatzea eta hau sufritzen duten pertsonak babestea adostu zuten. Momentuz, ez dute hitza bete. 

Artikulu hau Hala Bedi irratiak argitaratu du eta Creative Commons lizentziari esker ekarri dugu.

Kanal hauetan artxibatua: Mozal legearen mehatxua  |  Gasteiz

Mozal legearen mehatxua kanaletik interesatuko zaizu...
2018-02-12 | ARGIA
Satorralaiako kide bati 'Mozal Legea' ezarri izana salatu dute Donostian

Donostiako auzitegian bildu dira protestarako. Epaiketa emaitzaren zain gelditu da. Ertzaintzak ehun euroko isuna jarri zion norbanako bati, 2016an ustez kontzentrazio baten kokagunea baimenik gabe aldatzeagatik. Honek helegitea jarri zuen.

 


2018-02-08 | Axier Lopez
The Basque police have taken an anti gag-law activist hit by a train to court

On 13th May, 2017 at Usurbil station (Gipuzkoa, Basque Country) Donostian Martin Goitiandia, who was protesting against the Spanish Gag Law, was seriously injured by a train. Now the Basque police have taken him, along with the person who waited with him for the ambulance to arrive, to court. The trial will be held on 5th March in Donostia.


Usurbilgo Mozal Legearen trena

2017ko maiatzean, hainbat ekintzaile sozialek Usurbilen, tren bat baliatu nahi izan zuten mozal legearen kontrako mezua zabaltzeko. Bere bidean, “EAJ Mozal Legeari ez!” salaketa geltokiz geltoki eramango zuen trenak. Trena Usurbilgo geltokian gelditu eta salaketa mezua idazten ari zirela, bere bideari ekin zion, parean zuen ekintzailea harrapatuz. Honek, kalte larriak izan zituen eta 3 aste pasa zituen ospitalean.


2018-02-07 | Lander Arbelaitz
Herri mugimendu ugari elkartu zituen kontzentrazioa Mozal Legearekin zigortu izana salatuko dute

Datorren asteartean, otsailaren 13an, 9:00etan Mozal Legearen aurkako kontzentrazioa deitu dute Donostiako epaitegiaren aurrean. Metroa gelditzeko Satorralaia bizilagunen mugimenduko kide bat zigortu dutela eta honek helegitea jarri duela baliatu dute deialdia egiteko. 2016ko azaroaren 16an, Donostiako Udalak bere buruari "demokraziaren munduko hiriburu" deitu ziola baliatuz, udaletxearen aurrean herri mugimendu ugarik egin zuten protestaren harira zigortu dute.


2018-02-01 | ARGIA
Preso ohi baten amari 'Mozal legea' aplikatu diote semearen bila espetxera joateagatik

Mari Paz Casanova Mozal Legea erabiliz zigortu dute abuztuaren 24an Egoi Alberdi semea espetxetik irten behar zen egunean  atarian haren zain egoteagatik eta "komunikatu gabeko kontzentrazioa" egotzita.


2018-01-31 | Axier Lopez
Usurbilen trenak harrapatu zuen Mozal Legearen aurkako ekintzailea auzitara eraman du Ertzaintzak

2017ko maiatzaren 13an Usurbilgo geltokian Mozal Legearen aurkako protesta batean tren batek zauri larriak eragin zizkion Martin Goitiandia donostiarrari. Orain Ertzaintzak ekimen horregatik auzitara eraman ditu bera eta anbulantziaren zain berarekin geratu zen laguna. Martxoaren 5ean izango da epaiketa Donostian.


2018-01-23 | Miren Osa Galdona
Mozal Legearen aplikaziorik handiena: 115 laguni jarri diete isuna Galizian

115 herritarrei Mozal Legea ezarri zieten pasa den ekainean Galizian. 115 isun horiek, ordea, ez dira hilabete osoan jarritako isunak, ekintza bakar batean ondorioak baizik.  Hainbat kasutan, poliziaren bertsioek ez dutela egia kontatzen diote ekintzaileek, informazioa ez baitator bat gertatutakoarekin. Asanblada bat sortu dute gastu ekonomikoei aurre egin ahal izateko eta guztien artean indarrak batzeko.


2017-12-20 | Andoni Mikelarena
Gasteizko Udalak 725 aldiz aplikatu du Mozal Legea, aurka dagoela esan arren

Duela bi urte eta erdi Gasteizko Udalak Mozal Legaren aurka agertu zen. Ordutik ordea 725 aldiz aplikatu du udalak legea, Hala Bedik argitaratu duenez.


2017-10-25 | Miren Osa Galdona
Mozal legea ezarri diete armen salerosketaren aurka protesta baketsua egin zuten ekintzaileei Madrilen

Hemeretzi ekintzaileri Mozal Legea ezarri diete Madrilen, armen salerosketara bideratutako azoka baten aurka eginiko protestan parte hartzeagatik. Espazio publikoa horrelako jardueretara bideratzea salatzen ari ziren ekintzaileak. Sei hilabete beranduago jaso dituzte isunak. Guztira, 11.419 euro ordaintzera behartzen dituzte.


Azkenak
EGILEA
Eguneraketa berriak daude