Isuna jarri diote Kataluniako kazetari bati Mozal Legea aplikatuta
Mercé Alcocer Catalunya Radio irratiko kazetariari 601 euroko isuna ezarri dio Espainiako Gobernuak Madrilen duen Delegaritzak, "agintea desobeditzeagatik".
Pujol auzia jarraitzen ari zenean jarri zioten isuna Mercé Alcocerri.
Pasa den otsailaren 20an Pujol auziaz informatzen ari zen Alcocer. Hedabideei abokatu eta fiskalararengana hurbiltzen uzten ez zietela-eta, polizia-kontrolari iskin egin eta atzeko kale batetik sartu zen Auzitegira. Dokumentazioa eskatu zioten orduan.
Alcocerrek azaldu du kazetarien lana zorrotzegi oztopatu zutela poliziek, eta gaineratu du agintea desobeditzen ari zitekeenik ez zitzaiola pasa burutik.