Ester Quintanaren baimenik gabe, Vigoko Peugeut-Citroenek haren irudia erabili du, segurtasunari buruzko kanpaina bat egiteko. Sare sozialetatik Citroen boikoteatzera dei egin dute.
Iazko arazoaren 14an, Ester Quintanak begi bat galdu zuen greba orokorreko mobilizazioetan, mosso baten pilotakadaren erruz. Vigoko PSA Peugeut-Citroen enpresak Quintanaren argazkia hartu eta segurtasunaren aldeko kanpaina abiatzeko erabili du.
Enpresaren arabera, barne mailako propaganda egiteko baino ez zuen erabili irudia.Vigon oporretan zegoen bartzelonar batek, baina, kalean ikusi zuen Quintanaren kartela, jendeari zuzenduta, eta goian ikus daitekeen argazkia egin zion. Citroenek dio iragarkia ez duela kanpora begirako publizitatea egiteko baliatu.
Quintanaren abokatu Laia Serrak jakinarazi duenez, enpresaren kontrako salaketa jartzea aztertzen ari da.
Iragarkian, Ester Quintana azaltzen da, begirik gabe. Azpian, “Zu burujabea zara. Arriskuak ikusi eta ekidin itzazu. Jarrera seguruak izan”, leloak irakur daitezke.
“Ematen du Esterrek arduragabekeriz jokatzeagatik galdu zuela begia, eta ez da hala; eraso baten biktima izan da”, kritikatu du Serrak. Haren iritziz, kartelak Quintana “kriminalizatu” egiten du.
Citroen boikoteatzera deitu dute
Iragarkiarekin haserre, Citroeni boikota egiteko deialdia zabaldu dute, sare sozialen bidez. Gertatutakoa salatzeko, Twitterren #boicotcitroen hashtaga zabaltzen hasi dira.
Informazio gehiago facebooken irekitako orrialde honetan: Ester Quintanaren irudia.
Gasteizko Martxoaren 3ko manifestazioaren aurka oldartzean Ertzaintzak gomazko pilotak erabili zituela salatu zuten zenbait eragilek eta pertsonek sare sozialetan, argazkiz lagunduta. Salaketak ez zuen oihartzun handirik izan, baina egia balitz gertaera esanguratsu baten aurrean... [+]
Villabonako Berdura plaza bete dute herritarrek otsailaren 13 iluntzean, Tolosako inauterietan Ertzaintzak gazte bati begia larri zauritu ziola salatzeko. Bere aitak azaldu ditu begian dituen lesio larriak eta Ertzaintzaren jokabidearekiko haserrea plazaratu du: "Ez da... [+]
16 urteko gazte billabonatar batek zauri larriak izan ditu begiaren inguruan, Ertzaintzak Tolosan igande gauean kargatu ostean. Tolosaldeko Atariak informatu duenez, pilotakada bat eman zioten.
2015ean PPk gehiengo absolutuz ezarri zuen Mozal Legea. Oinarrizko zenbait eskubide urratzen dituen arau sorta horrek kontrakotasun handia bildu zuen Espainiako Estatuko mugimendu sozial eta alderdi politikoen artean, baita nazioartean ere. Lege hori "ezbairik gabe derogatu... [+]