Mobilizazioak Mozal Legea indarrean sartu aurreko egunetan
Uztailaren 1ean sartuko dira indarrean Espainiako Estatuan Herritarren Segurtasun Lege berria eta Kode Penalaren erreforma.
Populazioaren %80ren aurkakotasunarekin –Metroscopiaren arabera–, oposizioko alderdi guztien eta nazioarteko nahiz estatuko erakundeen ezadostasunarekin, baina uztailetik aurrera martxan izanen da Mozal Legea izenez ezaguna den erreforma penala.
Biziarteko kartzela-zigorra ahalbidetuko du lege berriak –presoaldi iraunkor berraztergarri izena erabiltzen badu ere–, eta mobilizazio sozialen aurrean neurriak nabarmenki gogortuko ditu.
Hala nola, baimenik gabe polizien irudiak erabiltzea 601 eta 30.000 euro bitarteko isunarekin zigortuko da. Zigor berdina jasoko dute etxe kaleratzeak galarazten dituzten pertsonek. Komunikatu gabeko manifestazioak egitea, berriz, 600.000 euroko isunarekin zigortuko dute.
Euskal Herrian ekimen eta mobilizazio ugari deitu dituzte azken egunetan Mozal Legearen aurka azaltzeko. Iruñean (Merindades) eta Bilbon (Plaza Biribila), asteartean izanen dira elkarretaratzeak, 19:00etan. Donostian, asteazkenean izanen da deialdia, 19:00etan Bulebarrean. Lizarran, berriz, egun osoko egitaraua antolatu dute larunbaterako.
Bestalde, astearte goizean, legea indarrean sartu bezperan, Greenpeace taldeak Madrilgo Diputatuen Kongresuan ekintza egin du lege berriaren aurka. Kongresu ondoko garabi batera igo eta Protesta eskubidea da lemadun pankarta zabaldu dute bertan.
2021eko protesta batean Poliziaren jarduna grabatu eta zabaltzeagatik, Mozal Legea urratu izana leporatu zion udaltzainak kazetariari. Salaketan hainbat gezur esan zituen agenteak, grabatutako bideoan egiazta daitekeenez. Agiriak faltsutzeagatik kazetariak kereila jarri zuen... [+]
2015ean PPk gehiengo absolutuz ezarri zuen Mozal Legea. Oinarrizko zenbait eskubide urratzen dituen arau sorta horrek kontrakotasun handia bildu zuen Espainiako Estatuko mugimendu sozial eta alderdi politikoen artean, baita nazioartean ere. Lege hori "ezbairik gabe derogatu... [+]
Dagoeneko erreformaren %96 adostuta dute Espainiako Kongresuan erreforma lantzen ari diren alderdiek, eta datorren astean akordio batera iritsiko dira, El Plural.com-en irakurri dugunez.
Laudioko Gaztetxearen kaleratzearen ondorio ekonomikoei aurre egiteko elkartasun jaialdiak antolatu dituzte Orbeko Etxean, Zazpi Katu Gaztetxean eta Gasteizko Gaztetxean. Ertzaintzak 'mozal legea' ezarri zien sei gazteri ekainaren 13ko protesten harira, 4.000 euroko... [+]
Hogei eragile sozialek baina gehiagok eginiko deialdiak dozenaka pertsona bildu ditu ostegun ilunabarrean Donostian adierazpen askatasuna aldarrikatu eta Mozal Legearen indargabetzea eskatzeko. Lege horren bitartez, Hego Euskal Herrian 2020tik hona 30.000 zigor baina gehiago... [+]