Mobilizazioak Hego Euskal Herrian
pentsio eta lan erreformen aurka

  • Espainiako Gobernuak azken urteetan hartutako murrizketen eta erreformen kontra hainbat eragilek mobilizazioak deitu dituzte gaurko eta biharko Gasteizen eta Iruñean.

Eider Madina Berasategi @xaukenaxauk
2013ko abenduaren 18a
Araba Borrokan plataformak biharko manifestaziorako egindako deialdia.

Batetik, pentsio erreformaren aurka Eusko Legebiltzarraren eta Nafarroako Parlamentuaren aurrean bilduko dira gaur goizean, 11:30ean.

Bestetik, Arabako gizarte eragileek lan baldintza duinen aldeko manifestazioa eginen dute bihar Gasteizen.

Pentsio duinak aldarrikatzeko protestak

Madrilek ezartzen duen pentsio-erreformaren aurkako elkarretaratzeak deitu dituzte gaurko ELA, LAB, ESK, STEE-EILAS, EHNE, HIRU, CNT eta CGT sindikatuek, hainbat gizarte eragilerekin batera.

Abenduaren 18rako, asteazkena, 11:30ean Eusko Legebiltzarraren eta Nafarroako Parlamentuaren aurrean egingo diren elkarretaratzetan parte hartzeko eskatu diote euskal jendarte osoari.

“Gure pentsioak bankarentzat eta aseguru konpainientzat lan egiten duten gobernuen esku daude. Oraingo eta etorkizuneko pentsionistok ez daukagu baliorik pertsona moduan. Pentsioen dirua kentzeko eta euren espekulazioa eta bankuen zorra ordaintzeko baino ez gara baliotsuak”, adierazi dute deitzaileek.

Hori dela eta, euskal mugimendu sozial eta sindikalak Hego Euskal Herriko erakundeei eskatzen diete jarreraz alda dezaten, ”Euskal Herrian bizi eta lan egiten dugunon zerbitzura egon nahi badute”. Bide horretan “bestelako politika batzuk aplika ditzaten” eskatu diete pertsona orori pentsio duina bermatzeko. 

Araba borrokan lan baldintza duinen alde ostegunean

Ildo beretik, Araba borrokan plataformak biharko manifestazioa iragarri du “Lan baldintza duinen alde. No a las reformas!” lemapean. Abenduaren 19an, osteguna, Gasteizko Bilbo plazatik abiatuko da martxa 19:00etan eta sindikatu guztien, hainbat alderdi politikoren eta gazte, pentsiodun, langabetu eta auzo antolakundeen babesa jaso du deialdiak.

Lan baldintza duinak aldarrikatuko dituzte Gasteizko kaleetan barrena, lan erreformen aurka. Izan ere, “abenduaren 31an 45.000 langile inguruk haien hitzarmenak galtzeko arriskua” izanen dutela gogorarazi dute plataformako kideek.

Haien esanetan, azken urteetan enpresek justifikatu gabeko Enplegu-Erregulazioko Espedienteak (EEE) ezarri dizkiete greba eta protestetan parte hartu duten langile askori. Hori dela eta, “lan eta gizarte eskubideak galdu nahi ez baditugu” jendartearen erantzun bateratua ezinbestekoa dela gogorarazi dute. Martxa honetan “gutxieneko soldatak eta ordutegien malgutasunak esklabotzara eramango gaitu”, gaineratu dute.

 

Kanal hauetan artxibatua: Pentsioak  |  Sindikalgintza  |  EHNE  |  Pentsioak

Pentsioak kanaletik interesatuko zaizu...
Mateo efektua eta adina: pentsioen paradoxa

Bismarck izan zen XIX. mendean gaurko pentsio sistemaren eredua sortu zuena, belaunaldien arteko elkartasunean oinarriturik hain zuzen ere. Ekuazioa oso sinplea da, enplegua duten gazteen egoera ekonomikoa adinekoena baino hobeagoa denez, eurek egindako ekarpenen bidez ordainduko dira adinekoen pentsioak.

Adin piramidea edota bizi esperantzaren eraginak alde batera utzita –ez dira bigarren mailakoak–, gaur egun neke zantzu nabarmenak azpimarratu ditzakegu eredu honen baitan, are... [+]


2017-06-06 | Zergatik Ez
Pentsioak EH independentean
MULTIMEDIA - solasaldia

Euskal Herri independienteak pentsioak ordaintzeko ahalmenik izango al du? Espainiaren bermeak hobetzea lortzerik ba al dago EH independientean? Eñaut Apaolazak BAI eta BAI erantzun die galdera hauei Antiguako Zergatik Ez taldeak antolatutako lehen hitzaldian.

 


2017-04-04 | ARGIA
Pentsio publiko duinen aldeko mobilizazioak iragarri dituzte

Eusko Legebiltzarrean egindako prentsaurrekoan pentsionisten hainbat elkartek Eusko Jaurlaritzari eskatu diote "osatu" ditzala euskal herritarren pentsioak. Manifestazioa egingo dute ostiralean Gasteizen.


"Pentsio sistemaren krisia batik bat emakumeok ari gara nozitzen"

Maria Gorospe Erdozia naiz, 69 urteko iruindarra, eta beste pentsionista asko bezala, gorriak ari naiz ikusten. Hilean 600 euro inguruko pentsioa jasotzen dut, eta horrekin, gaur egun, ezin naiteke bizi. Hartara, lan egitera behartuta nago.


KPIaren araberako Diru Sarrerak Bermatzeko Errenta: zigor bikoitza emakumeentzat

Kontsumo Prezioen Indizearen (KPI) arabera gaurkotuko du Eusko Jaurlaritzak Diru Sarrerak Bermatzeko Errenta (DSBE). Euskal Autonomia Erkidegoan, DSBEa eskatu behar duten pentsionistetatik %68 emakumeak direla azaldu du LABek.


Pentsiodunen kopuruak hazten jarraitzen du

Jadanik ohituta gaude noizbehinka pentsioen gaia ezbaian jartzen. Orain, pentsioen Erreserba Funtsa nahiko oparoa izatetik, 70.000 milioi euro, ezerezean geratzear dago eta hortik kezkak azaltzea.

Espainiako Gobernuak epe motzeko kontuak biribiltzen zituen, ez ordea epe ertain eta luzekoak. Pentsiodunen kopuruak hazten jarraitu du eta bien bitartean sarrerak, landunek Gizarte Segurantzari ordaindutako kopuruak ez die jarraitzen gastuei. Hortik etengabe Erreserba Funtsari heldu... [+]


Pentsio sistema publikoa: Txileko herritarren aldarria 30 urteren buruan

1980ko hamarkadan pribatizatu zuten Txileko pentsioen sistema, Pinocheten diktaduran. Estatu mailako arazo bilakatu da azken urteetan, erretirodunek jasotzen dituzten pentsio baxuengatik. Zenbateko hauek kudeatzen dituzten enpresa pribatuen aberasteak ere hautsak harrotu ditu. Hainbat mobilizazio izan dira azken bi hilabetetan herrialdean. Abuztuaren 21ean izan da azkena eta ehunka mila pertsona bildu dira Santiagon pentsio sistema publiko bat aldarrikatzeko.


2016-06-16 | Hamaika Telebista
Pentsio sistema: zahartzaro duina bermatuta dugu?
MULTIMEDIA - Ertzak

Egia al da gaur egun ezagutzen dugun pentsio sistema publikoa jasangaitza dela? Mugara heldu al da? Adinekoei bizitza duina bermatzen die gaur egun jasotzen duten pentsioak? Euskal Herriak gaitasuna du pentsio sistema propioa izateko? Niko Cuenca ekonomialariarekin, eta Lurdes Rodriguez zein Mikel Argiñarena Pentsionistak Martxan taldeko kideekin hitz egin dugu.


Etorkizuneko pentsio sistemaz bost galdera (eta erantzun)

EAJk euskal Gizarte Segurantza bat edukitzeko egindako proposamenak pentsioen inguruko eztabaida ekarri du mahai gainera beste behin. Jeltzaleek onartutako dokumentuan diote bertan kudeatutako pentsio-sistema bideragarria litzatekeela, eta eredu mistoaren alde egiten dute. Betiko galderak sortu ditu gaiak, eta berriz ere agerian geratu da ororen gainetik erabaki politiko baten aurrean geundekeela.


Hego Euskal Herrirako Gizarte Segurantza eta Pentsio Sistema propioa nahi du EAJk

Hego Euskal Herrirako Gizarte Segurantza eta Pentsio Sistema propioa proposatu du EAJk. Gaiaren nondik norakoak biltzen dituen proposamen txostena aurkeztu du asteburuan, Iruñean eginiko Batzar Nagusian. EAJk “alternatiba” bat sortu behar izan du, “Pentsioen Sistema Publikoak espainiar Estatuan gaur egun pairatzen duen defizit-egoeraz” jabeturik. Neurria 2019. urtetik aurrera aplikatuko litzateke.


Azkenak
EGILEA
Eguneraketa berriak daude