Hori da Munduko Osasun Erakundeak iragarri berri duen zenbaki ikaragarria. Horregatik, osasun arloko profesionalen CPTS taldeak prebentzio kanpaina berria plazatu berri du, publiko handia asaldatzeko.
Zure osagarria babesteko prest? Galdera hori pausatuz, CPTSk jendeek haien osagarria haien esku dela ulertarazi nahi dute. Eguneroko usaia ttipiak aldatzera bultzatu nahi dituzte, osasun arazoak murrizteko asmotan. Besteak beste, garbitzeko produktuak, errautsa, edota eguzkia leporatzen dituzte.
Elementu horiek gure egunerokoan leku garrantzitsua badute ere, Jenofa Lamarque CPTSeko koordinatzaileak azpimarratu nahi du jestu ttipiekin errexa dela gure ohiturak aldatzea. Batez ere nabarmendu nahi izan dauku jestu ttipiak izan arren, animaleko garrantzia ukaiten.