Fraile OBTA Ordenagailu Bidezko Tomografia Axiala egitera eraman zuten Badajozeko ospitalera. Testa eskuburdinekin egin zezan exijitu zuen sendagileak, tomografoan metalezko objektu bat sartzeak dakarren irregulartasuna aintzat hartu gabe. Gela poliziak zainduta egotea ez zen aski izan sendagilearentzat.
“OBTA arduradunaren etika profesional izpirik gabeko jarrera” salatu du Etxeratek. Iragarri du senide eta abokatuek salaketa jarriko dutela dagokien auzitegi eta organismoetan. “Pertsona guztien giza eskubideen errespetua”, exijitu du. Bide horretan, ez dute onartuko presoen eskubideak “haien nahieran erabiliko dituzten pertsonen, karguen edo entitateen esku geratzea”.
Duela urtebete Fraileri ospitale berean eginiko interbentzio kirurgikoan ere arazoak izan zituela gogorarazi du Etxeratek: “Ospitaleratu bezain laster eskuburdinez lotua izan zuten, ebakuntza burutu arte”.
Erakundeen babesa
Antsoaingo Udalak espetxeratze arindua exijitu du Gorka Frailerentzat, “konfiantzazko medikuek dagokion osasun asistentzia berma diezaioten”. Sarek aurkezturiko mozioak Geroa Bai, EH Bildu eta IE-Antsoain Puede alderdien botoekin egin zuen aurrera; UPN eta PSN aurka azaldu dira. Durangoko Udalak ere Fraileren askatasuna eskatu du, EH Bildu eta EAJren babesarekin.
Espainiako Auzitegi Nazionaleko Manuel Carcía Castellón epaileak sei pertsona epaituko ditu Ongietorrien auzian: Antton López Ruiz Kubati, Kai Saez de Egilaz, Pipe San Epifanio, Haimar Altuna, Oihana Garmendia eta Oihana San Vicente. Guztiak Sortuko kideak... [+]
Astelehenean jakinarazi du albistea Etxerat elkarteak. Otxandioko preso politikoa baldintzapeko askatasunean zegoen 2023ko martxoaz geroztik.
Kontzertuen bidez euskal preso eta iheslariak laguntzea da xedea. Aurten, Rakatapunk, Xutik eta Esne Beltza dira egitarauan.