Militarrek NUPen egin behar dituzten jardunaldiak salatu dituzte hainbat eragilek eta sindikatuk

  • Armada Espainiako Konstituzionalismoaren historian jardunaldiak egin behar dituzte azaroaren 22an eta 23an. Sindikatuek eta ikasle taldeek salatu dute "lotsagarria" dela eta bertan behera uzteko eskatu dute.

Artikulu hau CC BY-SA 3.0 lizentziari esker ekarri dugu.

2017ko urriaren 31n - 12:27

Jardunaldiak bertan behera uzteko eskatu diote Alfonso Carlosena errektoreari LAB, ELA, CGT, Ikasle Abertzaleak, Eraldatu, Asanblada Libertarioak, Talde Feministak, Akelarre Emakume Taldeak eta NUPen euskaraz taldeek. 

"Proselitismoa" salatu dute, jardunaldien kontra karrikaratutako idazkian, eta militarren "legitimitatea" ezbaian jarri, "demokrazioaren gidari" gisa beren burua aurkezterakoan, izan ere, "XX. mendeko diktaduren zutabe nagusia izan dira Espainiako Estatuan".

Gainera, kreditu bat emanen diete jardunaldietara joaten diren ikasleei eta hori "zentzugabekeria hutsa" dela diote, salatu dutenez, "gainontzeko kultur ekimenek ez dute krediturik jasotzen".

"Armadak defendatzen dituen baloreak (militarismoa, autoritarismoa, matxismoa) ez datoz bat unibertsitateak zabaldu beharko lituzkeen horiekin", ohartarazi dute, eta, horregatik, NUPi eta Carlosenari exijitu diete "lotsagarriak" diren jarduldi horiek bertan behera uzteko, "Espainiako armadaren irudi idilikoa zabaltzea" baitute xede.

Albiste hau Euskalerria Irratiak argitaratu du eta CC-by-sa lizentziari esker ekarri dugu ARGIAra


Kanal honetatik interesatuko zaizu: Militarismoa
Nola obedituko diot eroari

1997. Aguraingo Intsumiso Eguna. Antimilitarismoak milaka lagun biltzen zituen bere ekimenetan, artxibotik berreskuratu dugun argazki honetan ikusten den moduan. Aurten 30 urte beteko dira Intsumiso Eguna ospatzen hasi zirela.


Gerra danbor hotsak Europako Batasunean

Urtebete pasa da Mendebaldeari Ukrainako gerra okertu zitzaionetik. Xakean esaten da jokalari bat zugzwang posizioan dagoela egin dezakeen edozein mugimenduk kaltetuko badu. Mugimendurik egin beharko ez balu berdinketa lortuko luke, baina bere txanda bada, bereak egin... [+]


Israelgo Armada hornitzen duten petrolio konpainiak, gerra krimenen konplize?

Israelek 2023ko urrian Gazako sarraskia hasi zuenetik, petrolioa jasotzen aritu da itsasoz munduko txoko askotatik, petrolio enpresa handienek hornituta. Petrolio horren zati bat armada hornitzeko erabiltzen da palestinarren kontrako erasoekin segi dezan.


Bonbak eta munizioa jaurtiko dituzte aste guztian Bardeako tiro poligonoan

Herrialde askotako hegazkinak izanen dira Bardean gerrarako ariketa militarrak egiten. Benetako bonbak eta munizioa erabiliko dituzte horretarako. Aste osoan izanen dira lan horietan eta Poligonoaren Aurkako Asanbleak zalantzak ditu segurtasuna ziurtatuko ote duten... [+]


Eguneraketa berriak daude