Militanteak praktika feministan trebatzeko eskola antolatu du LABek

  • Sindikatuko 90 lagun baino gehiago ari dira parte hartzen prestakuntza saioetan, Emagin Dokumentazio eta Ikerkuntza Zentro Feministarekin egindako hitzarmernari esker.

ARGIA @argia
2017ko urriaren 12a
(Argazkia: LAB)

Estrategia sindikal-feministan aurrera egin eta bere militanteen praktika gaurkotu eta egokitzeko eskola antolatu du LABek. Jadanik ari dira horretan, irailetik abendura arte iraungo baitute prestakuntza saio presentzialek.

Sindikatu abertzaleak 9. biltzarrean onartu zuen praktika feminista gaurkotzea, eta horren harira, Politika Feministako Idazkaritza sortu du bere egituretan. Horrez gain, Plan Feminista aurrera eramateko urratsak ere eman dituzte. Horren guztiaren baitan sartzen da Eskola Feminista, LABeko idazkari nagusi Garbiñe Aranburu azaldu duenez.

"LAB aldatu egin da; emakumeok gero eta presentzia handiagoa dugu, eta gainera, sindikatuaren feminismoarekiko konpromisoa gero eta indartsuagoa da". Horregatik guztiagatik ezinbesteko ikusi dute "lortu nahi dituen erronka berrien aurrean prestatzea".

Eskolak, prestakuntza saioez gain, mintegiak eta on-line espazio bat ere izango du, eta gutxienez 2019 arte martxan egotea da asmoa. Emakumez osatutako hiru talde eta gizonez osatutako beste bi ari dira parte hartzen.

Kanal hauetan artxibatua: LAB  |  Feminismoa

LAB kanaletik interesatuko zaizu...
Ikastetxeetan ebaluazio hezitzailea praktikan jartzeko dekalogoa

Ebaluazio hezitzailea liburuxkaren 7.000 ale argitaratu ditu LAB sindikatuak, Euskal Herriko ikastetxeetako irakasle-gela guztietara iristeko asmoz. Bizpahiru urtetan hezkuntza komunitateko eragileekin batera landutako prozesuaren eta iaz antolatutako Ebaluazio hezitzailea iruten jardunaldien emaitza da liburuxka, eta teoriatik praktikara salto egiteko dekalogoa jaso dute bertan, bestelako ebaluazio eredu bat helburu.


2018-01-23 | Baleike
Lanuzteak hasi dituzte Zumaiako Balenciaga ontziolan itun "duina" lortzeko

Zumaiako Balenciaga ontzioletako langileak bi orduko lanuzteak egiten hasi dira aste honetan. Enpresako itun "duina" lortzea dute mobilizazioek helburua. Printzipioz, aste honetan eta datozen asteotan egingo dituzte lanuzte hauek. 


Aste osoko grebak deitu dituzte hezkuntza publikoan

EAEko hezkuntza publikoan mobilizazio berriak iragarri dituzte ELA, LAB eta STEILAS sindikatuek, urtarriletik ekainera bitarte (ikusi behean mobilizazioen egutegia). Eusko Jaurlaritzarekin akordiorik lortu ezean, besteak beste langile guztientzako hiru greba egun eta sektoreka aste osoko grebak dituzte aurreikusita.


2018-01-10 | ARGIA
Macriren "eraso neoliberala" salatu eta argentinarrei elkartasuna adierazi diete sindikatu ugarik

Argentinan gertatzen ari denak “biziki larritzen” dituelako, ohar bateratua atera dute LAB, ESK, STEILAS eta Espainiako Estatuko hainbat sindikatuk. Macriren gobernua “eraso neoliberala” egiten ari dela uste dute, eta ondorengoa bilatzen duela: lan baldintzen prekarizazioa, gastu publikoaren murrizketa, sektore publikoaren pribatizazioa, eta honekin batera, askatasunen eta oinarrizko eskubide zibilen deuseztapena. Argentinako herriaren erantzuna azpimarratu nahi dute.


2018-01-10 | LAB sindikatua
Sareren Bilboko manifestazioan parte hartzeko deia egin die LABek euskal langileei

"Bada garaia euskal presoek pairatzen dituzten urraketei amaiera emateko. Bada garaian presoen aferan adostasunak eraikitzeko", adierazi du sindikatuak.


2018-01-10 | Imanol Karrera
Parisetik Bilbora Nafarroatik bultza, prest gaude

Abenduaren 9an manifestazio alai eta erreibindikatiboa egin zuten hamaika mila pertsonak Pariseko karriketan “Orain presoak” lelopean. Manifestazio hori, berriz, ez da  mobilizazio bat gehiago izan, dinamika orokor baten zutabe garrantzitsua baizik. Denbora luzez landu duten dinamika horren bitartez Frantziako Gobernuak euskal presoekiko duen jarrera aldatzea lortu nahi da. Horretarako, lehenik eta behin, Ipar Euskal Herriko alderdi politiko, sindikatu eta eragile sozialen... [+]


2017-12-21 | ARGIA
LABek salatu du Teco Zamora lan egutegirik gabe ari dela erraustegian

Gipuzkoako Lan eta Segurtasun Ikuskaritzan salaketa jarri du LAB sindikatuak abenduaren 20an. Idatzi horretan adierazten duenez, eraikuntza lanean azpikontratatuta diharduen Teco Zamora enpresak ez du lan egutegirik eta egunean 10 ordu lan egiten dute astelehenetik ostiralera, gutxienez.


2017-12-20 | Uriola.eus
Bizkaiko Dia Supermerkatuetako langileek bi greba egun egingo dituzte

Dia Supermerkatuak Bizkaian dituen langileek bi greba egun egingo dituzte Gabonetan. Lehenengoa bariku honetan izango da, abenduak 22an. Hurrengoa, berriz, 29an izango da.


Azkenak
EGILEA
Eguneraketa berriak daude