AEM mugimenduaren izenean Sendoa Juradok manifestazioa amnistiaren aldarriak indarrean jarraitzen duela erakusteko deitua izan zela adierazi zuen. Milaka pertsonen babesa dutela azaldu zuen eta preso gaixoen alde egin beharra dagoela. Gose greban dauden presoei ere babesa helarazi zieten. Oskar Barreras presoak gose greban zazpi egun zeramatzala gogoraraziz. Txandakako gose grebaren 96. txanda da Barrerasena.

Manifestazioan zehar “presoak kalera, amnistia osoa”, “gudariak dira, ez terroristak”, “preso gaixoak askatu” edo “amnistiarik gabe, bakerik ez” leloak entzun ziren besteak beste.

Arriagara iristean bederatzi euskal presok manifestazioari babesa emateko idatziriko gutunak irakurri zituzten. AEMko kideek Euskal Herria zapaldurik dagoen herria dela azpimarratu zuten

Calibri;mso-fareast-theme-font:minor-latin;mso-hansi-theme-font:minor-latin;

mso-bidi-font-family:"Times New Roman";mso-bidi-theme-font:minor-bidi;

mso-ansi-language:EU;mso-fareast-language:EN-US;mso-bidi-language:AR-SA">euskaraz, gaztelaniaz eta frantsesez irakurritako komunikatuan, eta horregatik eskatzen dutela amnistia euskal errepresaliatu politikoentzat: “Estatuen biolentziaren kontra matxinatu zirelako eta militantzia politikoari euren bizia eskaini zietelako”.

Hitzaldian hil berri den Fidel Castro Kubako agintari ohia ere gogoan izan zuten, Euskal Herriko askapen mugimendurako adibide izan zela azalduz. Bestalde, egun Castroren figura goraipatzen duten askok euskal preso eta iheslariak terroristatzat hartzen dituztela kritikatu zuten.