4.000 lagun inguruk egin dute Urretxu eta Zumarraga arteko bidea, Otamotz atariaren arabera. Apirilaren 20an greba deitu dute eskualdean.
Astearte goizaldean itzali dute Zumarragako Arcelor Mittalen labea, lantegia ixteko zuzendaritzaren erabakiak atzera bueltarik ez duen seinale, askorentzat. Langileek 24 orduko greba egin dute eta jende andana bildu da kontzentrazio eta manifestazioan.
Arratsaldeko manifestazioa eskualdean inoiz egindako jendetsuena izan da, 4.000 lagun bildu dira Otamotz atariaren arabera; bi herrietako saltoki eta taberna gehienek ere pertsianak itxi dituzte protesta moduan. Eguerdiko kontzentrazioan, berriz, Bergara eta Olaberriako plantetako langileak batu zaizkie Zumarragakoei.
Altzairutegiko langileekiko elkartasuna Urola Garaia osora hedatuko da apirilaren 20an, greba deitu baitute egun horretarako eskualde osoan.
Lantegia ez ixteko langile eta erakundeen aldetik mugimendu handia nabari bada ere, Arcelor Mittalek jarrera ez da aldatu. Gaur beste behin bilduko dira enpresa batzordea eta zuzendaritza.
Aste honetan egiten ari dira lanuzteak, lan-baldintzetan hobekuntzak exijitzeko. Aurreko hiru hilabeteetan ere izan dituzte grebak.
Gaur, apirilak 16, Eusko Jaurlaritzari eta Industria Sailari beren industria-politikan jarrera aldaketa bat exijitzeko manifestazioa egin dute Bizkaiko 60 industria-enpresa inguruk Mecaner enpresako langileakaz batera, Bilbon. Adierazi dute "hitzetatik ekintzetara"... [+]
LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]
Langileen aldarrikapenak eztabaida politikoaren erdigunera eraman, eta aldaketa soziopolitikoa lortzeko "eragile aktibo" izanen dela nabarmendu du LABek 50. urteurreneko ospakizunean.
500 lagun batu dira Baionan buruturiko manifestazioan. Sektore publikorako erreformarekin Frantziako Gobernuak sektore pribatuko logika funtzionarioen baitan txertatu nahia salatzeko mobilizazioa ere izan da.