Milaka herritarrek erraustegia baztertu eta konponbide bateratua eskatu diote Gipuzkoako Diputazioari Donostian

  • Milaka herritarrek manifestazioa egin zuten larunbatean Donostian Zubierako erraustegiaren aurka. Gurasos elkarteak deituta, Gipuzkoako Diputazioari konponbide bateratua eskatu zioten hondakinen kudeaketa adostasunez bideratzeko. Usurbilgo Noaua aldizkariak jaso du ondorengo kronika.

ARGIA @argia
2016ko azaroaren 28a
Milaka lagunek eskatu zuten prozesu partehartzailea irekitzea Gipuzkoan hondakinen kudeaketarako. (Arg: Noaua)

Milaka gipuzkoar batu ditu GuraSOSek larunbat arratsalde honetan Donostian egin berri duten manifestazioan. Hondakinen afera konpontzeko irtenbide adostu eta osasuntsua galdegin dute. Erraustegiak seme-alabengan izan dezakeen eraginagatik kezkaturiko guraso taldea izanik, txuriz jantzitako haurrak izan dira “Gipuzkoa +: eman bidea osasuna eta adostasunari” aldarripean egin den manifestazioari bidea ireki diotenak. Atzetik ehunka familia, milaka lagun abiatu dira Araba parketik Alderdi Ederrerantz. Easo kalea, alderik alde bete dute mobilizazioarekin bat egin dutenek.

Manifestazio bukaeran, txuriz jantzitako ehun haurrek bihotz bat osatu dute, beste haur talde batek, amaiera ekitaldia ospatu den oholtza gainetik “Adostasuna SOS” esaldia argiztatzen zuen artean. Manifestua, Estitxu Fernandezek eta Joxe Mari Izeta usurbildarrak irakurri dute. Honela zioen:

“Arratsaldeon ama, aita, aitona eta amonak, izeba eta osabak, lagunak, eta herritar guztioiI Gaur batera gaude hemen akordio osasuntsu bat lortzeko, eta gure seme-alabentzat etorkizun hobeago bat aldarrikatzeko. Gaur Gipuzkoa gehiago da, osasuna eta adostasunaren alde batu garelako. Gaur batu egin garelako.

Gaur Gipuzkoak adostasunaren eta osasunaren bidea aukeratu du. Gaur Gipuzkoak liskarrari ezetz esaten dio, zatiketari ezetz esaten dio, eta ezetz esaten dio inposaketari. Gaurtik aurrera, guztiok batera Gipuzkoa osasuntsuago baten alde egingo dugu.

Zer jaten, zer edaten eta zer arnasten ari garen jakin nahi dugu. Gehiago jakin nahi dugu, informazio eta eztabaida gehiago nahi ditugu. Ordezkari jaun andreak, herritarrei entzutea eskatzen dizuegu. Eta gaur hau esaten dugu: osasuna da garrantzitsuena! Botu paper bat baino zerbait gehiago gara. Parte-hartu nahi dugu guri dagokigun gauzetan, eta parte-hartuko dugu!

Hondakinen kudeaketaren gaian irtenbide gehiago eta hobeak nahi ditugu. Segurtasun gehiago eta babesa nahi ditugu. Eta horretarako, lehenik eta behin, ezinbestekoa da erraustegia eta Mutiloako lizitazioak geratzea. Hondakinen plan orokorra legalizatu beharra dago, aurrekoa baloratu eta berrikusi.

Gurasosek mahai-gainean jarri du irtenbiderako bide-orria. Bertan, aditu, gizarte eragile, arduradun politiko eta herritarren parte-hartzea aurreikusten da. Gaur, dei egiten dizuegu/diegu guztiei konponbiderako bide honi heldu diezaiogun denok batera. Merezi dugulako. Gipuzkoak merezi duelako. Eta batez ere, gure seme-alabek merezi dutelako.

Entzun haurrak: ikusten dituzue milaka eta milaka persona hauek? Zuek zaintzeko batu gara. Bai, bai, zuek babestera etorri gara denok.

Eta badakizu zer uste dugun? Gure hondakinen arazoari beste irtenbide bat bilatuko diogula denen artean, posible delako, gizarteak eta gure ordezkariak horretan buru-belarri jartzen bagara, denok batera lortuko dugu, oraindik garaiz gaudelako.

Bihotzez esaten dizuet hemen gauden guztien izenean: Ez dizuegu hutsik egingo, lortuko dugu!”.

Kanal hauetan artxibatua: Errausketarik ez  |  Donostia  |  Gipuzkoako Foru Aldundia

Errausketarik ez kanaletik interesatuko zaizu...
2017-08-07 | ARGIA
Donostiako Aste Nagusian erraustegiaren aurkako ekimena deitu dute

Erraustegiaren aurkako performania deitu dute abuztuaren 16rako Donostian, asteazkena. 19:00etan abiatuako da Sarriegi plazatik, Donostiako Aste Nagusi betean. Gaixotu nahi ez dutenen martxa gisa bataiatu dute. Erraustegiaren Aurkako Mugimenduak antolatu du, Donostiako Piratetako Aingura kofradiaren laguntzarekin.


Erraustegiaren aurkako gose grebaren digestioa

Kalean egin dugun aste honetan herritar askorekin hitz egiteko aukera izan dugu. Agintariek lotsagabeki ezkutatzen duten informazioa zabaltzeko baliatu dugu, baita herritarrekin iritziak partekatu eta eztabaidatzeko ere. Eta ikusi dugu, informatua dagoen herritarrak ez duela erraustegirik nahi.


2017-06-23 | Estitxu Eizagirre
Erraustegiaren aurkako gose grebaren amaiera ekitaldia

Sei kidek astebeteko gose greba egiteak ekarri du ilusioa berpiztea eta erraustegiaren aurkako mugimenduan ideia honek indar hartzea: "Gelditzea lortuko dugu". Gose greba honen ekarpena biharamonean ikusten duguna baino itzal luzeagokoa izan daiteke.


2017-06-16 | ARGIA
Gipuzkoako erraustegiaren aurkako gose greba Donostian: azken albisteak

Zubietako erraustegiaren kontrako protestan Donostiako Easo plazan aste betez gose greba egin duten sei andre-gizon ekintzaileek asteazkeneko 19:00etan amaitu dute beren baraualdia. Zazpi eguneko ahalegina alaitasunez burutzeko, salda beroa partekatu dute hurbil eduki dituzten herritarrekin eta Amarako auzotarrekin, eta erraustegiaren kontrako lanean tinko jarraitzeko deia zabaldu dute.


Erregimenak linfoma bat dauka Gipuzkoan

Markel Olano Arrese diputatu nagusia hurbildu zenean Hernanin Oronak daukan Ideo eraikin futuristara Gipuzkoako euskalgintzarekin hizkuntza estrategia berria konpartitzera, dozena bat zahar aurkitu zituen atarian “Erraustegirik ez” pankarta eskuetan, Zubietako errauste plantak kaltetutako hamabi aiton-amona aspaldiko euri zaparradarik handienaren azpian blai eginda. Ez bilatu argazkia egunkarietan


2017-05-26 | ARGIA
Erraustegia egitekoa den Altuna y Uriaren egoitzan dantzaldia egin dute, protestetara dei eginez

ARGIAk jaso duen bideo batean ikus daitekeenez, Urola Kostako hainbat gazte Azpeitiko Altuna y Uriaren egoitzan sartu dira, larunbatean egingo den Errausketaren Aurkako Egunera dei eginez gazteei. Osasunarentzat kaltegarria dela azpimarratu dute, eta "betikoen poltsikoak aberasteko inposaturiko proiektu" gisa ikusten dute.


2017-05-26 | ARGIA
Agintariak "lasaitasun mezu faltsua" helarazten ari direla salatu du Osasuna eta Errausketa Ikerketa Taldeak

Errauskailua eraikitzeko lanak hasi direla eta “harridura eta haserrea” adierazi ditu Osasuna eta Errausketa Ikerketa Taldeak, prentsara bidalitako ohar baten bidez. Jarraian osorik irakurgai.


2017-05-26 | ARGIA
Ilara luzeak eragin ditu erraustegiaren aurkako 'Barraskilo operazioak'

60 bat autok osatutako auto-karabanak ilara luzeak eragin ditu Zubieta inguruko errepideetan. N1 errepidean ilara luzeak eragin dituzte, auto batzuk une batean gelditzera iritsi arte. Andoain eta Lasarte-Oria herriak gurutzatzean, larunbaterako Erraustegiaren Aurkako Eguna eta martxa berotzeko baliatu dute.


2017-05-10 | Dani Blanco
ARGAZKIAK: Protesta artean ekin diete ofizialki erraustegiaren lanei

Errausketaren Aurkako Mugimenduak deituta herritarrek kontzentrazioa egin dute erraustegi-lanetarako bidearen ertzean. Maiatzaren 10ean aurkeztu dute Donostiako erraustegia eraikitzeko lanen fasea eta proiektua Asensio Ingurumen Diputatuak, Markel Olano Ahaldun Nagusiak eta Urbaserreko ordezkari Carlos Abiliok.


Azkenak
EGILEA
Eguneraketa berriak daude