Milaka herritar izan dira Mutiloako zabortegiaren aurkako manifestazioan Ormaiztegin
Manifestazioa Goierri Birzirik plataformak deituta egin da igande eguerdian. “Mutiloan zabortegirik ez” lelopean milaka herritarrek hartu dute parte, Mutiloako zabortegiaren kontra eta birziklatzearen alde.
Berdez jantzita gerturatzea eskatzen zen eta hala egin dute askok. Herriko plazatik abiatu den martxak jai giroan egin du Lurpe zabortegirainoko bidea. Manifestariek erraustegiaren inposizioa kritikatu eta beste eremu batzuetan urteko 240 kilo zabor sortzen diren bitartean bertan 60 kilo besterik sortzen ez direla azaldu dute. Gehien birziklatzen duten eskualdeak zigortzea egozten diote Gipuzkoako Aldundiari.
Lurpe zabortegia Cespa enpresarena da eta orain arte hondakin industrial geldoak jasotzeaz arduratu da Goierri Birzirik-ek azaldu duenez. Hemendik aurrera hiri hondakin solido eta zaborrak ere jasoko ditu. Udalaren esanetan erabaki horrek hiri plangintzako arauak eta zabortegia ustiatzeko hitzarmena urratzen ditu. Hau posible egiteko baimen berri bat izan beharko luketela salatu dute.
Asteartean eguerdiko hamabietan, Ignacio Asensio Ingurumen diputatuak Batzar Nagusietan errauste planta berriak gizartean, ekonomian eta ingurumenean izango duen inpaktuaren inguruko txostena aurkeztuko du.
Goierriko Hitzak bideo bat egin du manifestazioko irudiekin:
Bilboko Auzo Elkarteen Federazioak komunikatu bat eskaini du Gipuzkoako erraustegiko lixibiatuak Zorrotzara bidaltzeko asmoaren inguruan.
Bi urtean 5.000 tona lixibiatu baino gehiago prozesatu ditu Ecofert Sansoain enpresak
Zumarragan badugu eraikin-multzo bat herriguneak besteko zabalera duena ia, Arcelor Mittal-en fabrika zaharra, industriak gurean izan duen garrantzia geroz eta urriagoaren erakusgarri. Hura itxi eta gutxira, 2021eko urrian, Eusko Jaurlaritzako Ekonomiaren Garapen,... [+]
Plastic Energy enpresak Zumarragan hondakin plastikoen birziklatze kimikorako instalazioa jartzeko asmoa "kezka handiz" ikusten du Urretxu-Zumarraga Bizi! plataformak. Azpimarratu du pirolisiak osasunarentzat kaltegarriak diren kutsatzaile kimikoak askatzen dituela,... [+]
Errauste plantaren transformadorea matxuratu ondoren, Zubietan hondakinak energiarik sortu gabe erretzen ari direla salatu du GuraSOS elkarteak. Ezker Anitza-IUren aburuz, horrek erakusten du Gipuzkoako Ingurumen Gunea “bluf” bat dela eta Europako Parlamentura... [+]