Mexikoko udal gobernu hautatu berriak erraustegi proiektua geldiaraziko du

  • Manuel Lopez Obrador eta Morenak Mexikoko hauteskundeetan lortutako garaipena iritsi da Maxiko hiriburuko udal gobernura ere. Metropoliaren legebiltzarrean, hautetsi berriek argi eta garbi adierazi dute aurreko legealdiaren amaieran modu irregularrean onartutako erraustegi proiektuak atzera botako dituela.


2018ko uztailaren 18an - 13:43
Ezkerreko hautetsien protesta Mexikoko udal batzarrean azaroaren 10ean. (Argazkia: El Asertivo)

Jakin arren Mexiko hiriburuko udal hauteskundeak 2018ko uztailean burutuko zirela, 2017ko azaroan Miguel Angel Mancera eta bere gobernu taldeak lotuta utzi nahi zuten Veolia multinazionalak errauste planta handi bat eraiki eta ondoko 30 urteetan hondakinen kudeaketa osoa egitea. Oposizioko alderdiek eta zenbait gizarte mugimenduk salatu dute operazioarekin Mexiko hiru hamarkadatarako zorpetuta utziko dutela, 109.000 milioiko (ia 5.000 milioi euro) zuloarekin.

Hauteskundeak pasa berri, uztailaren 13an erraustegi proiektuaren kontra hasieratik borrokatu den Cesar Cravioto diputatuak berretsi du udal gobernu berriaren lehentasunetako bat izango dela aurrekoak onartutako erraustegia bertan behera uztea.

Craviotok prentsari azaldu dionez, Claudia Sheinbaum Mexikoko udaleko lehendakari berriak "mezu garbia jakinarazi du: atzera botako da proiektua, hura onartzeko erabakiak modu ez legalean hartu zirelako".

Veoliak multinazionalak Proactiva Medio Ambiente, SA filialaren bidez Mexikoko agintariekin sinatutako kontratua osotara 33 urterako da, hiru erraustegia eraikitzeko, 30 haren kudeaketarako. Bitarte horretako urte guztietan Metroa (udalaren konpainia publikoa) konprometitzen da erraustegiak ekoiztutako energia erostera orain finkatutako prezio jakin batean. Erraustegiak egunean 4.500 tona erreko ditu. Bestalde, horrelako proiektuetan sarri ikusi den moduan, Mexikon hasieran lehiaketara ateratakoak ez du aipatzen zer egingo den hortik sortuko diren errauts eta eskoriekin; hurrengo faseetan (eta gastu berriak erantsita) etorriko da hori ere.

Ondoko bideoan Contralinea hedabideak eskaintzen duen elkarrizketan Morena partidu ezkertiarreko César Craviotok azaltzen du Gipuzkoako erraustegiaren antza puska bat baduen Mexikoko operazioa:


Kanal honetatik interesatuko zaizu: Errausketa
2023-09-08 | ARGIA
Errausketaren aurkako giza katea antolatu dute Kontxako estropaden egunean

Gipuzkoako hondakinen kudeaketak okerrera egiten jarraitzen duela salatu du Errausketaren Aurkako Mugimenduak. Donostiako erraustegiak kutsadura areagotu eta gaikako bilketa beheragotu duela azaldu dute, eta herrialdean aurreikusten diren proiektu berriek bide hori sakonduko... [+]


2023-08-04 | Ilargi Manzanares
GHK-k onartu du aurrez tratatu gabeko hondakinak errausten aritu dela 42 egunez

“Behin-behinean” egin dutela adierazi dute, “mantentze-lanen" ondorioz. “Ingurumen eskaera guztiak” bete dituztela ere esan dute, eta araurik ez dutela apurtu.


2023-05-28 | Zero Zabor
Agur, Iñaki Usabiaga

Gipuzkoan Zubietako erraustegiaren kontrako mobilizazioetan parte hartu duten askok horietan ezagutuko zuten Iñaki, bere 80 urte paseekin aktibista beteranoena. Argazkian ageri da militante gazte batekin solasean erraustegiraino mendiz egindako martxan, 2018an.


2023-04-24 | Zero Zabor
Paris hiriburuko oilategietako arrautzak ez jatea gomendatu dute agintariek, dioxina, furano eta PCBz kutsatuta daudelako

Ile-de-France (Paris hiriburua eta inguruko metropoli osoa) eskualdeko Osasun Agintaritzak herritarrei gomendatu die beren etxeetako oilategi txikietako arrautzarik ez jatea: aginte publikoak enkargatutako azterketa batek berretsi du aurretik ToxicoWatch fundazioak beste ikerlan... [+]


2023-02-27 | Zero Zabor
PFAS toxikoak kontrolik gabe hedatzen ari direla eta, Europako Batzordeak horien arautzeari ekin dio

Europako zenbait hedabide handik sustatutako ikerlan batek argitu du PFAS kutsagarriak milaka puntu beltzetan hedatuta daudela kontinente osoan. Oinezko herritarrak aipatzen entzun ez dituen PFAS-ak (konposatu per- eta polifluoratuak, ingelesez ‘Per- and polyfluoroalkyl... [+]


Eguneraketa berriak daude