Mélenchon podiumera igo da eta Le Penen arerio zuzen bihurtu
Orain hamabost egun, Frantziako presidente izateko hautagai nagusiak Marine Le Pen, Emmamuel Macron eta François Fillon ziren. Jean-Luc Mélenchonek Fillon bota du podiumetik eta hautagai sendo bilakatu da.
Aste baten esperoan, inkestek honako datuak eman dituzte bost faboritoen artean: Le Pen: %22, Macron, %22, Jean-Luc Mélenchon: %20. Fillon: %19%, Hamon: %8. PSko hautagai Hamon bigarren itzulira pasatzeko aukeratik kanpo geratu da, antza. Filloni, berriz, aienatzen ari zaizkio zituen aukera apurrak. Le Pen da sendoena bigarren itzulira pasatzeko, Macron albo-alboan duela betiere. Alabaina, Mélenchonek eman ditu pauso sendonak azken hamabost egunotan.
La France insoumise hautagaiaren Mélenchon 70.000 jende aitzinean mintzatu zen OkzitaniakoTolosan atzo igandean. Frantziako Errepublikaren Liberté, Égalité,Fraternité lelo nagusiaren lehen hitza nagusitu zen bere diskurtsoan: askatasuna.
Mélenchonek ez ei du ikusten egungo Frantzia erregimen autoritario baten gisara, alabaina, presidente izanez gero, egungo erregimen oligarkikoarekin bukatzeko prest dagoela erran zuen sutsuki.
Gainerakoan, beste sei hautagai ere ari dira kanpainan. Inkestek honelako emaitzak ematen dizkiete: Nicolas Dupont-Aignan: % 4 Jean Lassalle: % 1. Philippe Poutou: %. Nathalie Arthaud: % 0,5. François Asselineau: %0,5. Jacques Cheminade: %0,5. Hautagai sateliteak bezala ekarriak, aurreko bosten disidentetzat ere joak.
Erran gabe doa, inkesten ehunekoak puntu baten gorabeheran ari dira dantzan egunez egun. Datorren igandean izanen da inkesta erreala.
Joan urteko udaberrian idatzi nuen intsusari eskainitako aurreneko artikulua eta orduan iragarri nuen bezala, testu sorta baten aurrenekoa izan zen. Sendabelar honen emana eta jakintza agortzen ez den iturriaren parekoa dela nioen eta uste dut udaberriro artikulu bat idazteko... [+]
Amonak sarritan aipatu zidan badela arrain bat, garai batean kostaldeko herrietako sukalde askotan ohikoa zena. Arrain-zopa egiteko bereziki ezaguna omen zen, oso zaporetsua baita labean erreta jateko ere. Beti platerean oroitzen dut, eta beraz, orain gutxira arte oharkabeko... [+]
Lurrari begira jartzea zaila da. Kosta egiten da. Landareekin lan egiten duenak maiz haiek bakarrik ikusten ditu. Etekina, uzta, ekoizpena, mozkina, errebenioa, emana, azken zurienean “porru-hazia” bezalako hitzak dira nagusi lur-langileen hizkuntzan.
Duela hamabi urte pasatxo ezagutu zuten elkar Izaskun Urbaneta Ocejok eta Ainara Baguer Gonzalezek, ingurumen hezkuntzako programa batean lanean ari zirela. Garaian, lurretik hurbilago egoteko gogoa zuten biek, teoriatik praktikara pasa eta proiektu bat martxan jartzekoa... [+]
Cristóbal Balenciaga diseinatzailearen biografia kutsuko fikziozko telesaila egin du Moriarti hirukoteak, Disney+ plataformarentzat. Estreinakoa dute formatu horretan. Aitor Arregi eta Jon Garañorekin egin du hitzordua ARGIAk, Jose Mari Goenaga kanpoan baitzen,... [+]