Matxismoari aurre egiteagatik, isolamenduan

  • Isolamenduan dira duela hilabete luze Agurtzane Delgado eta Ainhoa Mujika euskal preso politikoak, Granadako espetxeko zuzendariaren agindu matxistei uko egiteagatik.


2017ko azaroaren 24an - 15:32
Alboloteko espetxea, Granadan.

Jakina da: kartzelak gizonek gizonak zigortzeko diseinatutako esparruak dira, eta bertan emakumeak behartuak izaten dira soberan geratzen diren espazioetan bizitzera. Espazio horiek, gehienetan, txikiegiak dira eta ez daude egokituta eguneroko bizitza arrunt bat egiteko. Hori gutxi balitz, kartzelak zuzentzen eta arautzen dituen sistema heteropatriarkalak emakumeak bigarren mailako herritartzat eta berriro hezi behar diren pertsonatzat hartzen ohi ditu, sistemak inposatutako emakume onaren rola betetzen jakin ez dutelako. 

Zigor bikoitza jasotzen dute, emakumeak izateagatik eta leporatu zaizkien delituengatik. Gutxiesten dituzte, bortizki tratatu, iraindu, egunero era guztietako bortizkeriak pairatu behar dituzte… Egoera larriagotu egiten da emakumeak rol matxistak betetzearen kontra altxatzen direnean. 

Euskal preso politikoen kolektiboko emakumeak, preso politikoak eta emakumeak izateagatik, indarkeria horiek guztiak eta gehiago jasaten dituzte: sakabanaketa, FIES erregimena, komunikazio-kontrola, isolamendua... ere ezartzen baitzaizkie. Eta isolamenduan dira duela hilabete luze Agurtzane Delgado eta Ainhoa Mujika euskal preso politikoak, Granadako espetxeko zuzendariaren agindu matxistei uko egiteagatik. Zuzendariak komunak garbitzera behartu nahi izan zituen, haren ustetan emakumeek horretarako bakarrik balio ei dutelako. Emakumeek uko egin zioten aginduari, eta ordutik zigortuta daude, isolamenduan. 

Granadako espetxean giltzaperatuta gauden euskal preso politikook denbora luze daramagu egoerari irtenbidea emateko saiatzen, eta espetxeko zuzendariarekin elkarrizketatzen saiatu gara, baina zuzendariak ez du azaldu bere erabakia aldatzeko asmorik. Egoera ikusita, gure protesta adierazteko hainbat neurri hartu behar izan ditugu, eta era berean eskaera egin nahi diegu gure herrikideei, kaletik ere elkartasuna adierazteko, protesta adierazteko, egoera alda dadin. Horretarako bideratu diren ekimen ezberdinetan parte hartzeko eskatu nahi dizuet.

Artikulu hau Arabako Aleak argitaratu du eta Creative Commons lizentziari esker ekarri dugu.


Kanal honetatik interesatuko zaizu: Matxismoa
Materialismo histerikoa
"Mario Lopez" eta "Gernika"

Krimen matxistak, mediatizatzen direnean, emakumeontzat lezio bilakatu ohi dira, eta bizirik badago, biktimarentzat. Nerea Barjola ikertzaileak Alcasserko kasuaren bidez azaldu zigun hori. Eta Nagore Laffageren hilketak ere lezio astun bilakatzeko arriskua izan zuen, lezioa... [+]


Diego Yllanesi ukatu egin diote haren inguruko albisteak ezabatzea

Nagore Laffagen hilketaren harira, Diego Yllanesek ahaztua izateko eskubidea aldarrikatu du. Espainiako Auzitegi Nazionalak eskaerari uko egin, eta erabaki du informazio eta adierazpen askatasuna gailentzen zaizkiola.

 


Epailearen aurrera eraman dute bikotekide ohia giltzaperatu eta eraso egiteagatik atxilotutako gizona

Ertzaintzak jakinarazi duenez, gizonak Gasteizko Alde Zaharreko lonja batean bahituta izan du emakumea zenbait orduz, eta hainbat alditan egin dio eraso. Gizonak urruntze agindua zuen, aurrez egindako tratu txarrak tarteko. Astelehen goizean atxilotu zuen Ertzaintzak, eta... [+]


2024-03-15 | ARGIA
Gizon bati Iruñerriko institutu batean eta saltoki batzuetan emakumeak grabatzea leporatu diote

2023ko urrian jarritako salaketa baten harira, gizonaren etxeko gailu informatiko eta elektronikoak ikertzen ari da Foruzaingoa, eta material horretan aurkitu dituzte institutu bateko emakumeen komunetan egindako grabazioak, eta hainbat saltokitako aldageletakoak. Adimen... [+]


Gasteizen atxilotutako gizona espetxera bidali dute, bikotekidea labankadaz hiltzen saiatzeagatik

Astearte honetan, herritarrek eta erakundeek erasoa gaitzetsi dute udaletxe aurrean egindako elkarretaratzean.


Eguneraketa berriak daude