Masen aurkako zigorra, gehiegizkoa Katalunian, txikiegia Madrilgo prentsarentzat

  • 2014ko kontsulta antolatzeagatik Generalitateko lehendakari ohi Artur Masi ezarritako bi urteko inhabilitazio zigorrak orotariko erreakzioak eragin ditu. Sententzia gehiegizkoa da batzuentzat, eta motz geratu da besteentzat. Eztabaidaren gakoetako bi, Masek 2019an Kataluniako hauteskundeetara aurkeztu ahal izango duen ala ez, eta erreferenduma egiteko data.

Artur Mas, artxiboko irudian, Espainiako Auzitegi Gorenera heltzen / Javier Soriano, AFP

2017ko martxoaren 14an - 09:45

Kataluniako Justizia Auzitegi Gorenak jarritako zigorra txikiegia dela uste dutenen artean El Mundo egunkaria dago. Zergatik ezarri diote Masi hain zigor txikia? eta Estatuari desafio egiteagatik, zigor testimoniala artikuluetan jaso du bere iritzia egunkariak. Besteak beste, zera irakurri daiteke: "Epaiaren berehalako ondorioa da Masek ezin izango duela hauteskunde batzuetara aurkeztu bi urte pasa arte, Espainiako Auzitegi Gorenean errekurtsoa jarri ala ez. Hala, Kataluniako hauteskundeak aurreratzen ez badira, 2019an diputatu izateko aurkeztu ahal izango luke. Praktikan, beraz, zigorrik jaso ez balu bezala da".

Zentzu horretan, Vanguardia egunkariak gogorarazi du, epaia irmoa ez bada ere, Masek ezin izango duela hauteskundeetara aurkeztu, baldin eta Auzitegi Gorenak ez badu baliogabetzen Kataluniako Justizia Auzitegi Gorenaren erabakia.

"Espero genuen, baina larria da"

Generalitateko presidente Carles Puigdemontek gogor egin du epaiaren aurka. "Espainiar justiziak gaur zigortu duena, Kataluniako herriak indultatu egingo du erreferendumarekin", adierazi du: "Epaia zein izango zen espero genuen, baina larria denik ezin ukatu. Herritarrei euren iritzia plazaratzeko aukera emateagatik zigortu dituzte [Mas, Joana Ortega Generalitateko lehendakariordea eta Irene Rigau sailburu ohia]. Gaur sentitzen dugu guztiok zigortu gaituztela, baita ezezkoa bozkatu zutenak ere; 2014ko galdeketan parte hartu zuten 2.300.000 lagunek erreduntasun epaia jaso dute".

Bestetik, CUPek bukatutzat eman du erreferendumaren harira adostutako bide-orria, eta eskatu du galdeketa aurreratu (irailera arte itxaron gabe) eta desobedientziaren bideari heltzeko.

Estatu mailako alderdi politikoei dagokienean, haien erreakzioak "aurreikusitakoak" izan dira, Alberto Pradilla kazetariak Naiz.eus-en nabarmendu duen moduan: PPk, PSOEk eta Ciudadanosek erabakia txolotu dute, eta kritikatu Podemosek.


Kanal honetatik interesatuko zaizu: Katalunia independentziarantz
Junts-PSOE akordioa
Amnistia legea eta negoziazio mahai berria, legealdi akordioaren truke

Akordioaren bidez Juntsek eta PSOEk Kataluniako gatazka historikoa bideratuko duen etapa berri bat ireki nahi dute. Horretarako, bi indarren arteko negoziazio mahai bat eratu dute eta bertako edukiak eta akordioak segitzeko bitartekaritza mekanismoa adostu ere bai.


'La Directa' babestu dute ARGIAk eta beste hainbat hedabidek: "Kazetaritza ez da terrorismoa"

La Directa-k salatu du Jesús Rodríguez kazetaria inputatu izana “informaziorako eskubidearen aurkako erasoa” dela. Elkartasun manifestua plazaratu dute Rodríguezi babesa helarazteko, eta dozenaka hedabide eta erakundek sinatu dute jada, ARGIAk... [+]


La Directako kazetari bat ere "terrorismoagatik" inputatu dute Tsunami Demokratikoaren auzian

Espainiako Auzitegi Nazionalak “terrorismo-delitua” egotzi dio Jesús Rodríguez La Directako erredaktoreari eta beste hamaika pertsonari, tartean Carles Puigdemont presidente ohi eta Marta Rovira ERCko idazkari nagusiari, 2019ko epaiaren aurkako... [+]


Puigdemont eta Rovira inputatu ditu Auzitegi Nazionalak Tsunami Demokratikoagatik

Espainiako Auzitegi Nazionala 2019ko udazkeneko protestetan “terrorismo” deliturik izan ote zen ikertzen ari da. Bitartean, PSOEko eta JxCko ordezkariak Bruselan bilduta daude.


Jordien indultua egokia dela onartu dute eta Miquel Buch kontseilari ohia lau urtera zigortu

Ostegun honetan ezagutu dira bi epaiak. Batean, Espainiako Auzitegi Gorenak balekotzat eman ditu Jordi Cuixart eta Jordi Sánchezen indultuak. Bestean, Bartzelonako Auzitegiak laur urte eta erdiko kartzela zigorra jarri dio Miquel Buch Generalitateko Barne kontseilari... [+]


Eguneraketa berriak daude