CUP aztertzen ari da Junts Pel Sík egindako azken proposamena
Irailaren 27tik negoziazioetan ari dira Junts Pel Sí eta CUP eta gaur zuten finkatua akordiora iristeko azken eguna. Junts Pel Sík azken proposamena egin dio CUPi eta hau berau aztertzen ari da une honetan. Arratsaldeko 17:00etan emango dute prentsaurrea.
Asteartea zuten akordioa ixteko muga, horrela CUPek herriz herri aurkeztu ahal izango du dokumentua igandean duen batzarrean onartu dadin edo ez. Kataluniako hedabide ugarik diote aurreakordioa dela adostutakoa, baina CUPeko zuzendaritzak Twitterrez jakinarazi duenez, Junts Pel Sík egindako azken proposamena litzateke eta orain ari dira aztertzen.
Reunió del grup parlamentari CUP-CC amb la proposta d'acord feta per @JuntsPelSi. 17h roda de premsa al #Parlament pic.twitter.com/FsAF479BTM
— CUP #perlarepública (@cupnacional) December 22, 2015
Astearte eguerdian egindako prentsaurrean, Junts Pel Síko buruzagi Raül Romevak proposamenaren gorabeherak eman ditu eta, besteak beste, pobreziaren aurkako planerako 270 milioi euro aurreikusten direla azaldu du. Gobernu berriak aurrekontuak beharko dituela esan du Romevak, baina alor horretan oraindik ez dutela akordiorik lortu. Barcelona Word proiektua ere bertan behera geratuko litzateke Junts Pel Síren dokumentuaren arabera.
Lehendakaria
Romevaren esanetan, lehendakaria baino lehendakaritza hautatuko litzateke inbestiduran. Funtsean, duela aste batzuk Junts Pel Sík CUPi egindako proposamena da, hau da, Artur Mas izango litzateke lehendakaritza organu kolegiatuaren lehendakaria, eta beste hiru lehendakariordek euren esparruko hainbat kontseilaritza kudeatuko lituzkete.
Akordioaren bidez Juntsek eta PSOEk Kataluniako gatazka historikoa bideratuko duen etapa berri bat ireki nahi dute. Horretarako, bi indarren arteko negoziazio mahai bat eratu dute eta bertako edukiak eta akordioak segitzeko bitartekaritza mekanismoa adostu ere bai.
La Directa-k salatu du Jesús Rodríguez kazetaria inputatu izana “informaziorako eskubidearen aurkako erasoa” dela. Elkartasun manifestua plazaratu dute Rodríguezi babesa helarazteko, eta dozenaka hedabide eta erakundek sinatu dute jada, ARGIAk... [+]
Espainiako Auzitegi Nazionalak “terrorismo-delitua” egotzi dio Jesús Rodríguez La Directako erredaktoreari eta beste hamaika pertsonari, tartean Carles Puigdemont presidente ohi eta Marta Rovira ERCko idazkari nagusiari, 2019ko epaiaren aurkako... [+]
Espainiako Auzitegi Nazionala 2019ko udazkeneko protestetan “terrorismo” deliturik izan ote zen ikertzen ari da. Bitartean, PSOEko eta JxCko ordezkariak Bruselan bilduta daude.
Ostegun honetan ezagutu dira bi epaiak. Batean, Espainiako Auzitegi Gorenak balekotzat eman ditu Jordi Cuixart eta Jordi Sánchezen indultuak. Bestean, Bartzelonako Auzitegiak laur urte eta erdiko kartzela zigorra jarri dio Miquel Buch Generalitateko Barne kontseilari... [+]