Bilboko lau herritar iazko martxoaren 29ko greban ustez Ertzaintzari eraso egiteagatik epaituak izango dira hurrengo astean. Fiskaltzak guztira 42 urteko espetxe zigorra eskatzen du haietako hirurentzat. Honen aurrean Grebalariak aske! Plataformak mobilizazioak deitu ditu.
Plataformak lau gazteen absoluzioa eskatu du. Akusatuetatik hiru irailaren 11n eta 12an izango dira epaituak, guztira 42 urteko espetxe zigorra eskatzen du fiskaltzak beraientzat. Laugarrena beste prozedura batekin epaituko dute, gertakaria jazo zenean adin txikikoa zelako.
Plataformatik, “frogarik gabeko akusazioak” “leporatzen dizkietela salatu dute, eta “muntai polizial baten aurrean” gaudela. Beraien iritziz “Beste eredu ekonomiko sozial baten aldeko borroka” epaitu nahi dute, baita “borroka soziala kriminalizatu eta sektore mobilizatuenak desaktibatu” ere. Bestetik Bilboko mugimendu sozial eta sindikalek eskainitako babesa eskertu dute.
Hau guztiagatik, manifestazio bat deitu dute larunbat honetarako. Mobilizazioa “Plaza Sagradotik” hasiko da 12:30etan. Hilaren 11 eta 12 egunetarako kontzentrazioak deitu dituzte Buenos Aires kaleko epaitegiaren aurrean 9:30ean.
Aste honetan egiten ari dira lanuzteak, lan-baldintzetan hobekuntzak exijitzeko. Aurreko hiru hilabeteetan ere izan dituzte grebak.
Gaur, apirilak 16, Eusko Jaurlaritzari eta Industria Sailari beren industria-politikan jarrera aldaketa bat exijitzeko manifestazioa egin dute Bizkaiko 60 industria-enpresa inguruk Mecaner enpresako langileakaz batera, Bilbon. Adierazi dute "hitzetatik ekintzetara"... [+]
LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]
Langileen aldarrikapenak eztabaida politikoaren erdigunera eraman, eta aldaketa soziopolitikoa lortzeko "eragile aktibo" izanen dela nabarmendu du LABek 50. urteurreneko ospakizunean.
500 lagun batu dira Baionan buruturiko manifestazioan. Sektore publikorako erreformarekin Frantziako Gobernuak sektore pribatuko logika funtzionarioen baitan txertatu nahia salatzeko mobilizazioa ere izan da.