Marta Harnecker, Latinoamerikako ideologo marxista nagusietako bat, Donostian izango da

  • Donostiako Kursaalen hainbat hitzaldi izango dira ekainaren 6an eta 7an herritarren partaidetzaren inguruan. Hizlarien artean daude Theo Schiller, Demokrazia zuzenaren inguruan aditu garrantzitsuenetako bat, eta Marta Harnecker, Latinoamerikako esperientzia sozialak ikertzen eta zabaltzen lan handia egindakoa.


2013ko maiatzaren 29an - 00:00
Azken eguneraketa: 2015-02-26 13:37:33
Marta Harneckerrek gertutik ezagutzen ditu Latinoamerikako prozesu iraultzaileak eta eraldaketa sozialak (Ar.: ecopopular.cl)

Ekimena, Gipuzkoako Foru Aldundiak eta udalen Herritarrekin sareak bultzatu dute. www.gipuzkoaherritarrekin.net ataria ere osatu dute partaidetza sustatzeko asmoz.

“Ia bi urte egingo ditugu herritarren partaidetza sustatu, bultzatu, lagundu eta gauzatzeko konpromisoa hartu genuenetik. Ibilbide oparo honetan hitzordu garrantzitsua dugu oraingoa”, azaldu du Arantza Ruiz de Larrinaga Herritarren Partaidetzarako zuzendariak.

Udalekin elkarlanean hasi zirenetik parte hartzearen inguruko 200 esperientzia baino gehiago zenbatu dituztela azaldu du Larrinagak: “Gipuzkoa gero eta parte hartzaileagoa dela esan genezake”. Luis Intxauspe Hernaniko alkatearen ustez ere honakoa “inflexio puntua” izango da.

Hitzaldiak herritarrei, teknikariei eta hautetsiei daude zuzenduta. Marta Harneckerrek Latinoamerikan herritarren parte hartzerako dauden tresna politikoak aztertuko ditu. Txilen jaioa 1937an, Salvador Allenderen gobernuan parte hartu zuen. Gertutik ezagutzen ditu Kubako eta Venezuelako errealitate politikoak, Hugo Chavezen aholkulari izana da hainbat urtetan.


Kanal honetatik interesatuko zaizu: Herritarren parte hartzea
2023-06-20 | Ilargi Manzanares
Zuberoko trenbide zaharra errepide bihurtzearen aurkako protesta ibilaldia egin dute

Ekainaren 17an egin dute ibilaldia ‘Les Voix du Saison’ taldeak antolatuta, eta errepidearen aurka proiektu alternatiboa aldarrikatu.


2022-11-27 | Jon Torner Zabala
Emun kooperatibak 25 urte
Tailerrak euskalduntzetik, gai sozialetan eragitera

Emun lan mundua euskalduntzeko helburuarekin sortu zen 1997an. Genero berdintasuna, parte-hartzea, gizarte erantzukizuna... beste hainbat esparrutan ere eragile da gaur egun, berrikuntza sozialaren hariari tiraka. Kooperatibako lau langilek haien bizipenak kontatu dizkigute, eta... [+]


2022-10-24 | Lide Iraola
Baztango alkateek herri galdeketa antolatu dute azaroaren 20rako, Erdizko lurrak meatzaritzarako erabiltzeari buruz

Magna meatze enpresak lurrak okupatzeko eskaera ari dira eztabaidatzen Nafarroako Parlamentuan. Baztango alkateek salatu dute herritarrei dagokiela erabakia. Espainiako Gobernuak jada bi aldiz debekatu diete herri galdeketa aurten.


Gero eta udalerri gehiago batzen ditu Herri Hezitzaileen Sareak

Hezkuntzaren ardura konpartitua dela eta familiaz eta eskolaz harago herria bera eremu hezitzailea dela, herritarrak hezitzaile ere badirela ulertzen du Herri Hezitzaileen Sareak. Otxandiok (irudian) bat egin berri du sarearekin eta dagoeneko 36 herri direla jakinarazi dute.


Eguneraketa berriak daude