Marokoko armadak saharar bat hil eta beste bat zauritu du
Pasa den larunbatean Brahim Budda Ould Taher izeneko sahararra hil du Marokoko armadak. Mendebaldeko Saharako iturriei erreferentzia eginez Rebelión guneak jaso du albistea. Autoan zihoala, bere kontra tiro egin eta baletako batek buruan jo ostean hil egin zuen. Berarekin zegoen Mohamed Labeid Tawni laguna zauriturik atera zen erasotik.
Hildakoaren familiak salatu du okupazio armadak gorpua 150 kilometrotara bota zuela, hilketaren erantzukizuna saihestu nahian. Gainera, Saharako herritarren kontrako erasoekin jarraitu zuten.
Brahim Buddaren gorpua eraman zuten ospitalearen kanpoaldean bere senideak eta herritar sahararrak bildu ziren. Hilketa gaitzetsi eta independentziaren aldeko oihuak egin zituzten.
Arnas luzeko kazetaritza maite du Kristina Berasainek. Kazetaritza pausatua. Haimaz haima ibili da sahararrekin hizketan, kontakizunak eta testigantzak bilduz, gero horiek guztiak liburu eder batean harilkatzeko. Pasioz eta pazientziaz, ia 50 urte erresistentzian daraman saharar... [+]
Sahara, herri bat erresistentzian liburua argitaratu du Kristina Berasainek. Urte luzez jarraitu du Mendebaldeko Saharako gatazka, 2005ean BERRIA egunkariko kazetari gisa lurralde okupatuetara lehen aldiz bidaia egin zuenetik.
Mendebaldeko Sahararen alde egingo dute kontzertua hilaren 22an, Kursaalean. Bertan izango dira Oreka TX, Eñaut Elorrieta, Mikel Urdangarin, edo Minatu Embarek, Nayat Hosseinek eta Hayuh Ramsik artista sahararrak, besteak beste. Sahararrak gerran daudela ez dela ahaztu... [+]
Mendebaldeko Saharako Smara hirian urriaren 29an jaurtigaiekin izandako eraso ezezagun batek gorenean jarri du Fronte Polisarioaren eta Marokoko armadaren arteko gerra. Gaza bezala, harresi luze batez inguratuta dago herrialde osoa, eta Israelek palestinarrekin egin bezala,... [+]
Benjamin Netanyahu Israelgo lehen ministroak gutun bat bidali dio Marokoko Mohamed VI.a erregeari, "harremanak sendotzeko" pausoa emateko. Astelehenean baieztatu du asmoa dutela okupatutako Mendebaldeko Saharako Dakhla hirian kontsulatua irekitzeko.