Maroko ez da Venezuela

  • Fenomeno berezi bat gertatzen da uda garaian Hego Euskal Herrian. Bizkaia eta Gipuzkoa barnealdeko herriak hustu egiten dira; Araba eta Nafarroan, aldiz, herrietako jende pilo bat bizi da hiriburuetan, eta uda garaian beraien herritxora itzultzen dira oporrak igarotzeko. Urtean zehar mugimendu gutxi daukaten plazak borborka jartzen dira hil honetan. Baina badago mukuru bete eta husten den toki bat, berriro bete eta husteko: errepidea. Lona urdina autoko teilatuan jarrita, milaka eta milaka ipar-afrikar beraien sorterrira itzultzen dira libre daukaten tartean familiarekin biltzeko.

Be˝at Hach Embarek @hatxen  |  Zuzeu
2017ko abuztuak 09

Errepidean nindoan ni ere, pentsatuz auto horietako asko Marokora doazela. Irratia piztuta nindoan, Venezuelari buruzko enegarren tontakeria entzunez, eta gaindosiaren erruz bide bazterra jo baino lehen lona urdinen helmugan pentsatzen jarri nintzen. Edozeini egiteko moduko galdera iruditu zitzaidan: zein izan zen Marokoren inguruan entzun zenuen azkeneko albistea?

Oso ohikoa da sektore progreenek Venezuela babesteko diskurtsoa egiterako garaian, antitesi gisa Saudi Arabia jartzea. Argudio zuzena iruditzen zait; baina baita Marokoar estatuarena ere(espainiarra eta frantziarrak ahaztu gabe), balio erantsi batekin: hemengo jende asko joaten da oporretara Marokora; harreman ekonomikoak estuak dira; marokoar pilo bat bizi dira Euskal Herrian… Askoz ere elkarreragiletza handiagoa dago Marokorekin Saudi Arabiarekin baino; baina hango kontuez ideiarik ere ez. 

Maroko ez da Venezuela
Arg: Martxelo Diaz

Beno, noizbehinka zer edo zer iristen da, adibidez, Rifeko matxinada. Estatuak gogor zapaldu ditu bereberrak betidanik, inperioa arabizatzearen ideiari fermuki atxikita. Beraien eskaerak zilegiak dira, baina… Baina. Amazigh mugimenduak ez du Mendebaldeko Sahararen autodeterminazio eskubidea onartzen. Hau zioen M’hamed Oueldlhajek, Tamunt alderdiko kideak, GARAn egindako elkarrizketa batean: “Sahara marokoarra da. Tindufek (Aljeria) ere hala behar luke. Beti babestuko dugu lurraldearen batasuna”. To.

Irudikatzen duzue euskaldunok galiziar borrokalariak sustengatu, eta bueltan galiziarrengandik jasotzen dena bota bat buruan izatea? Berriz diot: Rifeko eskaerak bidezkoak dira. Baina begira diezaiotela albokoari.

Zeren eta albokoa sufritzen ari da, eta asko. Duela gutxi tribunal militar batek saharar talde bat epaitu du. Hasana Aaliaren izena ezaguna da Euskal Herrian, zonalde okupatuetatik ihes egin baitzuen epaiketa hori zela eta. Sententziak ikusita ez zegoen arrazoi faltan:

BIZI OSOKO ESPETXE ZIGORRA:
-Ahmed Sbai.
-Brahim Ismaili.
-Abdalahi Lejfauni.
-Larosi Abdelyalil.
-Mohamed Bachir Butanguiza.
-Mohamed Bani.
-Abhah Abdalahi Ahmed Sidi.
 
30 URTE:
-Naama Asfari.
-Mohamed Burial.
– Chiej Banga.
 
25 URTE: 
-Hasan Dah.
-Abdalahi Taubali.
-El husain Ezaui.
-Mohamed Lamin Haddi.
-Mohamed Embarek Lafkir.
-Mohamed -Juna Babait.
-Sidahmed Lamyaied.
 
20 URTE:
-Mohamed Tahlil.
-El Bachir Khada.
-Abdalahi Taubali.
 
Aske gelditu dira:
-Deich Daf, sei urte eta erdira kondenatua. Jada sententziak agindutakoa baino denbora gehiago zeraman espetxean.
-Bakay Arabi, lau urte eta erdira kondenatua. Sententziak agindutakoa baino denbora gehiago zeraman espetxean.
 
Baina ze gogorra Leopoldo Lopezena, eta eskuinaren bonba baketsuak, eta Venezuelako hauteskunde diktatorialak. Maroko ez da Venezuela, lehenik eta behin, elite ekonomikoen interesei men egiten dielako; eta bigarrenik, marokoarren masa batuta dagoelako bere gobernanteekin.

Agian gure bizilagun marokoarrei galdetu beharko diegu zergatik babesten duten emigratzera behartu zituen errege bat. Sahararren etsaia Estatua da, ez herritarrak, hori denok daukagu garbi; baina ez dakit ba, kuriositateagatik.

Kanal hauetan artxibatua: Iritzia  |  Venezuela  |  Maroko  |  Mendebaldeko Sahara

Iritzia kanaletik interesatuko zaizu...
Euskararen etorkizuna hiztunen esku bakarrik?

Bosgarren aldiz egin dira Inkesta Soziolinguistikoa eta Kale Neurketa eta hauen emaitzekin gaur egungo euskararen erabilera maila ezagutu da. Euskararen jakintza goraka doan heinean erabilera ez igotzea euskaldunen erantzukizuna al da?


Euskararen etorkizuna hiztunen esku bakarrik?

Bosgarren aldiz egin dira Inkesta Soziolinguistikoa eta Kale Neurketa eta hauen emaitzekin gaur egungo euskararen erabilera maila ezagutu da. Euskararen jakintza goraka doan heinean erabilera ez igotzea euskaldunen erantzukizuna al da?


2017-08-21 | Itxaro Borda
Bartzelona: "No en el meu nom"

Freddy Mercury eta Montserrat Caballé irudikatu ditut abuztuaren 17ko gauaren minean, Rambla gainetan eta Cambrilsko itsasertzean, No tinc por bi bozetan kantatzen.


2017-08-11 | Markel Ormazabal
Turismoaren festak

Ez hain antzina, hiru mende atzera gehienera, kostako herri baten ur territorialak kanoi baten tiramenaren arabera zehazten ziren: jaurtigaia noraino heldu, lehorretik harainokoa izango zen ur territoriala. Lurraldearen zedarritzeko, ordea, kanoia baino hobea da festa, eta hain zuzen ere, kanoikada batek emango dio hasiera Donostiako abuztuko festari.


2017-08-11 | Axier Lopez
Turismoak ez du, berez, aberastasuna sortzen

Turismo ereduaz eztabaidatzea herri kirol bilakatu zaigun egunotan, nekez igaroko duzu eguna “Turismoa ona da dirua ekarri eta lanpostuak sortzen dituelako” nonbait irakurri edo entzun gabe. Zorionez, lehen mantra eztabaidaezina zena, pitzatzen hasi zaie eta galderak gehitu zaizkio: Zenbat irabazten dugu turismoarekin? Nork irabazi? Zeren ordainetan?


2017-08-09 | Juan Gorostidi
Indarkeria eta denbora galdua: ongi etorri normaltasunaren basamortura!

Indarkeria “historiaren emagina” ez balitz ere (Karl Marx), onar dezagun behintzat denok baliatzen garela mota bateko edo besteko bortxaz, eta onarpen horretatik abiatu beharko litzatekeela gaiaren inguruko edozein gogoeta. Naturalizatua dugu jendartea eusten duen egiturazko bortxa, eta ez dugu antzematen gugan edo gure hurbilekoengan jotzen duen arte.


Willkommen, bienvenue, welcome

20 urtez Zumaian antolatu den Zakila Bira lasterketa desegin eta, turismoa eta kirola sustatzeko, Euskal Kosta Krosa sortu dute bere ordez. Pakete turistikoak eskainiko zaizkie mataroi erdi horretan izena ematen dutenei.


2017-08-09 | Joseba Alvarez
Turismoa, Inditex eta pintxoak

Nola ez, oraingoan ere, kalean gabiltzanoi gauzak “gaizki” egin ditugula esan digute beren butaka eta bulegoetatik gauzak “ondo” egiten dituzten horiek. Guk salatu dugun errealitate gordinaren inguruko beraien lehen hitza gu kritikatzea izan da, gauzak “gaizki” egin ditugulako. Izan ere, turismoaren arazoa ez da gaurkoa -eta, zer esanik ez, Donostiako Parte Zaharrean-, baina beste horiek isilik egon dira turismoak Parte Zaharra ito duen bitartean.


2017-08-04 | Leire Murguialday
Esperantzara kondenatuak

Garaipenik eta galtzekorik gabe kantatzen zuen Garik duela urte batzuk, eta hala bizi dute emakume gehienek haien errealitatea El Salvadorren. Bizitzak ezer gutxi balio duen herrialde honetan, zer esanik ez baliabide urriko emakumeenak.


Azkenak
EGILEAK
Eguneraketa berriak daude