Ostegunean egindako agerraldian, ez du presoen auziaren eta dispertsioaren inguruko aipamenik egin Espainiako Barne ministro berriak.
EAJ eta PSOEren arteko gobernu akordioan, presoen birgizarteratzearen aldeko proiektu baten eskaria egon arren,Fernando Grande-Marlaskak ez du argi utzi alderdi popularraren politikaren ildotik jarraitu edo espetxe-politika malguago bat egingo duen.
Atsekabea nonahi
EH Bilduk eta ezker abertzaleak ez dute ontzat hartu Espainiako Barne ministro berriaren izendapena.
Marian Beitialarrangoitia EH Bilduko kongresuko bozeramaileak, “kezka” adierazi zuen. “Tortura kasuak ez ikertzeagatik sei aldiz kondenatua izan da” zioen. Presoen auzian, “dispertsioaren aldekoa da”. Funtsean, Sanchezen Gobernuak ez duela “baikorrak izateko motiborik sortzen” aditzera eman zuen.
Urte bat bestearen ondotik, 87 urte joan dira astelehen lazgarri hartatik, apirilaren 26 hartatik; azoka eguna Gernikan, heriotza eguna. Suzko eta berunezko egunak eta urteak ondoren. Hildako ugariren gainean porlana eta isiltasuna. Porrota eta sufrikarioa. Nortasun debekatua,... [+]