Europako Giza Eskubideen Auzitegian Espainiaren ordezkaria izango da hemendik aurrera Maria Elosegui donostiarra. Azken urteetan egin izan dituen adierazpen homofoboek zalaparta sortu dute.
Ez zen Espainiako Gobernuak nahi zuena, baina azkenean, Maria Elosegui izango da Europako Giza Eskubideen Auzitegian Espainia ordezkatuko duen epaile berria. Aldeko 114 boto jaso zituen Zaragozako Unibertsitateko katedradunak, 76 Jose Martin Pérez de Nanclaresek eta 37 berriz Francisco Pérez de los Cobos Konstituzio Auzitegiko presidente ohiak Asanblada Parlamentarioan.
Eldiario.es agerkariak, Eloseguik azken urteetan egin izan dituen adierazpenen bilduma sareratu du. Zalaparta sortu dute adierazpen horiek, giza eskubideen auzitegiko epaile berriak homosexualitatea gaixotasun batekin lotu baitu besteak beste.
“Identitate sexuala, biologikoarengandik aparte eraikitzea posible da, nahiz eta horren emaitza ziurrenik ez den positiboa izango, pertsonalitatearen eraikuntzan eragingo du”, adierazi zuen epaileak almudi.org Opus Deiri loturiko agerkarian egindako elkarrizketan. “Euren jokabide sexuala, sexu biologikoari lotuta garatzen duten horiek jarrera orekatu eta sanoa izango dute, aldiz aurka doazen horiek gaixotasunak garatuko dituzte, argi dago”, ondorioztatu zuen Eloseguik elkarrizketan.
“Gaur egungo emakumeek ez dute emantzipatu nahi”, hala uste du Europako Giza Eskubideen auzitegiko epaile berriak. Abortuaren inguruan ere eman du bere iritzia, epailearen ustez, “abortua legez kanpokoa izateak ez du emakume gehiagoren heriotza eragiten.”
Soraluzen Señora Bertso egunean eta Tolosako Inauterietako Zaldunita gauean bi eraso homofobo izan direla salatu dute.
Mutil-lagunari eskua emanda zihoan Asier; atzetik bi gizon gazte agertu eta muturreko bat eman zioten, hain bortitz, ezen sudurra apurtu zioten eta lurrera bota zuten. Sudurreko ebakuntza egin berritan hitz egin du ARGIAk berarekin: "Diskurtso faxista indartzen eta... [+]
Bermeoko Udalak Elantxoben larunbatean gertatutako erasoa gaitzetsi du, eta Anitzak Bilbao LGTBIQ+ elkarteak asteartean Bilbon gertatutakoa.
Asteartean deklaratu dute joan den asteko eraso homofoboarekin lotutako ustezko erasotzaileek eta biktimek. Ekainaren 21ean izango da hurrengo saioa.
Gazte talde batek jipoitu eta irain homofobo zein arrazistak egin zizkietela salatu dute biktimek, larunbat gauean taberna batetik ateratzean Villabonan (Gipuzkoa). Lakuako Segurtasun Saila gertatutakoa ikertzen ari da.