Iruñeko ELA sindikatuaren egoitzan egin dituzte margoketa faxistak asteburuan. Azken bi urteetan lau aldiz egin dizkiete antzeko erasoak.
Mehatxu kutsuko margoketak dira, sinbologia nazi-faxistadunak, eta DNJ Espainiako talde ultraeskuindarraren izenean sinatu dituzte.
ELAk Foru Polizian jarri du salaketa, eta etengabe jasaten dituzten mehatxuak ikertzeko eskaera egin du: “Modu honetako ekintzek sindikatuaren lana mugatzea, intimidatzea eta mehatxatzea besterik ez dute bilatzen” adierazi dute. Sindikatuak, bestalde, gizarte osoari zabaldu dio ekintza hauek gaitzesteko deia.