Margallo: independentzia adostua ez da posible Katalunian

  • Kataluniak bere kabuz aldarrikatu beharko luke independentzia eta ez da posible halako prozesurik Espainiarekin adostasunez egitea, hori da Espainiako atzerri ministro José Manuel García Margallok gaur Madrilen emandako hitzaldi batean adierazi duena: “Espainiak inoiz ez luke autodeterminazioa adostuko”.  Eta ohartarazi duenez, Kataluniak indedependentzia aldarrikatuko balu, horrek ondorio larriak izango lituzke Katalunia eta Espainiarentzat.


2013ko irailaren 10an - 00:00
Azken eguneraketa: 2014-03-25 09:12:03
García Margallo Espainiako atzerri ministroa

Espainiako Konstituzioaren 1.2 eta 2 artikuluak jarri ditu adostasun ezinezko horren oinarrian:  “1.2 artikuluaren esanetan, Espainiaren burujabetza bere herritar guztien esku dago eta, beraz,  lurralde baten banaketa herritar guztiek onartu beharko lukete. Eta 2. artikuluak dio Konstituzioa espainiar nazioaren batasun zatiezinean oinarritzen dela, Espainia guztion aberri banaezina dela”.

Argi azaldu du Kataluniak independentzia aldarrikatuko balu, Europako Batasunetik kanpo geratuko litzatekeela eta bere BPGren %20-25 galduko lukeela. Ministroaren ustez, bera kasua ezin da Eskoziakoarekin konparatu, Erresuma Batuak ez duelako konstituzio idatzirik eta Espainiak bai. Margalloren esanetan, nazioarteko araudiak argi adierazten du zein kasutan jar daitekeen indarrean autodeterminazio eskubidea: herri kolonialetan, eta okupazio militarra edo oinarrizko eskubideen ukazioa dagoenean, eta argi dagoela Katalunian ez dela halako egoera bakarra ere ematen.


Kanal honetatik interesatuko zaizu: Estaturik gabeko nazioak
Sami hizkuntzak elur-hitzak soberan ditu aldaketa klimatikoarengatik

Elurra, izotza, eguraldi hotza... izendatzeko ehunka hitz ditu sami herriak. Artikoa epeltzen ari da, ordea, eta hitz batzuk gero gutxiago erabiltzen dituzte. Batez ere, izokin arrantzako eta elur-oreinen zaintzako hiztegia ari da galtzen.


2024-03-27 | ARGIA
NBEk lehen aldiz su etena eskatu du Gazan

32.000 hildakotik gora eragin ditu Israelek urriaren 7az geroztik Palestinan, eta beste milaka dira desagerturik edota larri kolpaturik. Jarraipena egiten ari gara.


2024-03-24 | Aitor Aspuru Saez
Ibrahim Bilmez
"Öcalanen aurkako sistema garatu du Turkiak Imraliko espetxean eta beste preso politikoen aurka baliatu du"

Ibrahim Bilmez abokatua da eta Abdullah Öcalan buruzagi kurdua da bere bezeroa. Bere isolamendua salatu du Euskal Herrian otsailean, Turkiako errepresio eta inpunitate mekanismoak azalduta.


Eguneraketa berriak daude