“Maravillas aurrera” oihu artean abiatu da Alde Zaharreko erraldoi zein buruhandien konpartsak, malabaristek, hankapaluek eta gaiteroek girotutako manifestazioa.

Protestan egon da 89 urteko Josefina Lamberto Maravillas Lambertoren ahizpa ere. Gaztetxeari Maravillas izena jartzeak “poz handia” ematen diola gaineratzeaz batera, Berriari azaldu dionez, asko maite ditu gazteak. “Gogotsu nago, sasoiko eta nire esku dagoen guztia eginen dut haien alde”.

Protestaren amaieran Uxue Jimenez eta Ulises Domeach gaztetxeko kideek hitz egin dute eta bereziki Josefina Lambertori eman dizkiote eskerrak. Hitzaldian gaineratu dute, ezinbestekoak direla “kontrabotererako espazioak”.

Azken egunetan okupazioaren eta gaztetxearen aurka esandakoak  gezurrak direla salatu dute. “Ondasun publiko bat pribatizatzea leporatzen digute, baina hogei urte hutsik zeramatzan espazio publiko bati erabilera komunitarioa ematea ez da sekula pribatizatzea izanen. Ez gaitzatela engaina: Maravillas gaztetxearen ateak beti egon dira edonorentzat zabalik”.

Ahotsa.info-k halako bideoa kaleratu du larunbateko manifestazioaz.

Hemen manifestazioaren zenbait irudi: