Maliko presidente berriak Azawadeko tuaregak gerrarekin mehatxatu ditu
Dioncounda Traore Maliko behin-behineko presidente izendatu zuten atzo, pasa den martxoaren 22an estatu kolpea eman zuten militarrekin akordio batera iritsi ondoren. Kargu-hartze ekitaldian presidente berriak herrialdearen iparraldean Azawad estatuaren independentzia aldarrikatu duten tuareg matxinatuei mehatxu zuzena bidali zien. "Konponbidea gerra bada, ez dugu zalantzarik izango erabateko gerra hasteko, su-etenik gabeko gerra", adierazi zuen Traorek.
Tuaregek pasa den urtarrilean hasi zuten askapenerako altxamendu militarra eta herrialdeko krisi politikoa baliatu dute iparraldeko hiri nagusiak (Tombuctu, Gao eta Kidal) kontrolatu eta Azawad estatuaren independentzia aldarrikatzeko.
Presidente berriaren ezarpena Afrika Mendebaldeko Estatuen Komunitate Ekonomikoaren presioaren emaitza izan da. Izan ere, militar matxinatu talde batek estatu kolpea eman zuenetik blokeo diplomatiko eta ekonomiko gogorra ezarri dio elkarteak Maliri. Azken egunetan edukitako elkarrizketetan, kolpistek amnistia ematearen truk onartu dute trantsizio prozesua eta presidente berriaren ezarpena.
Maliko gobernuak eta Azawadeko tuaregek presoak trukatu dituzte bake elkarrizketen bezperan, borondate oneko keinu gisa.
Gutxienez zortzi hildako izan dira Maliko armada eta gehienbat tuaregek osatzen duten MNLAren arteko borroketan, Kidal izeneko herrian (ikusi mapan non dagoen). Maliko Lehen Ministroak Azawadera egindako bisita batek lehertu du aurretik ere bero zegoen gatazka. Iturri... [+]
Frantziako Gobernua Malin destinatutako soldaduak etxeratzen hasi da. François Hollande presidenteak esandakoa bete du, tropak apirilean herrialdea uzten hasiko zirela adierazi baitzuen. Ehun batek jada utzi du Mali, eta uztaila bitartean besteak etxeratuko dira. Hala... [+]
Azawad hartzea parterik errazena zen. Orain, Maliko estatuak, gerrillarien erasoei, ‘Tuaregen arazoari’ eta zatitutako gobernua izateak sortzen dituen eragozpenei egin beharko die aurre, Imad Mesdoua analista politikoak The Guardian-en idatzi duen moduan.