"Ez dugu 'Euskaldunon Egunkaria'ren itxieraren inguruko entziklopedia, liburu edo tesirik idatzi nahi. Irakurri nahi dugu, 'Euskaldunon Egunkaria' irakurri nahi dugu. Gustatzen ez zaigun futbolaz irakurri nahi dugu, ezagutzen ez dugun musikari zuberotarraz irakurri nahi dugu, goragalea eragiten digun sasifilosofoaren iritzia irakurri nahi dugu, goizeko lauretan ematen duten Z mailako pelikularen aipamena irakurri nahi dugu, ia inoiz ulertzen ez dugun Zakilixuten bakarrizketa irakurri nahi dugu, euskara batuaren inguruko azken ika-mika irakurri nahi dugu. Maitasunez irakurri nahi dugu, hori besterik ez". (2003ko martxoa, 24. zka.)