Maiatzaren Plazako Amen elkarteko presidentea atxilotzeko agindu dute, jendetzak babestu du
87 urteko Hebe de Bonafiniren atxiloketa Marcelo Martínez de Giorgi epaile argentinarrak agindu zuen, de Bonafini ez baitzen deklaratzera joan abuztuaren 4an, hark egindako zitazioan. Maiatzaren Plazako Amen fundazioak kudeatzen dituen etxebizitza sozialak eraikitzeko programa bat dela-eta administrazioarekiko iruzurra egin ote zuten ikertzen du epaileak. Beste 42 pertsona ere deklaratzera deitu ditu, azken bi gobernualdietako politikariak horietako asko.
Telesur-i egindako adierazpenetan de Bonafinik azaldu du Mauricio Macriren gobernua amak plazara joatea galarazten ari dela, erakundearen bi milagarren martxa datorrelako. “Ez dute nahi gure borrokarekin jarrai dezagun, baina beti izango gara galdu duten edo beren lana galtzeko beldur den jendearen alboan”.
De Bonafini ez zen uztailaren 6an epaileak egindako deialdira joan eta abuztuaren 4ean berriro huts egin duenez Poliziak behartuta deklaratzera joango zela aurreikusten zen. Baina Poliziak ez du lortu Bonafini Amen elkartearen egoitzan atxilotzea, Maiatzaren Plazara joan baita kideekin batera, 1977ko apirilaren 30etik geroztik egin bezala. Bertan bildu diren manifestarien babes zabala ikusita han ere ez du lortu Poliziak de Bonafini atxilotzea. Agindua atzeratu egin behar izan du epaileak.
Naiz.eus-ek argitaratu duenez, De Bonafinik “lotsagarritzat” jo du Polizia Amen elkartera bidali izana eta gaineratu du ez dela atxilotua izatearen beldur, “askotan” espetxeratu baitzuten diktadura garaian. “Desagerrarazi nahi gaituzte, baina gu hil arren borrokatzen jarraituko dugu”, adierazi die kazetariei plazan bertan.
Mauricio Macriren gobernua gaitzetsi du eta “herria jazartzea” leporatu dio. Martínez de Giorgi epaileari bidalitako eskutitz batean de Bonafinik azaldu du ez dela deklaratzera joan bere esanetan duela ia 40 urtetik “erasoak” jasaten dituelako “gaizki deituriko justiziaren partetik”.
Sare sozialen bidez #TodosConHebe traola erabili dute erabiltzaileek De Bonafiniren aldeko babesa erakusteko.
En la puerta #TodosConHebe pic.twitter.com/udZzS1obKX
— Mariana Moyano (@mmlamoyano) 4 de agosto de 2016
Telesur-ek abuztuaren 4eko argazkiak argitaratu ditu.
Otsailaren 2an epaituko dituzte beste hamaika bakegile, uztailaren 23an autopista blokeatzeagatik. Elkarretaratzera deitu du Bake Bideak, datorren ostegunean 13:00tan jarriz hitzordua Baionako auzitegi aitzinean.
Euskal Hirigune Elkargoaren babesarekin, euskaraz erantzundako zientzietako azterketen zuzenketa antolatu dute asteartean Baionako Arteen Hirian, eskatzen diren baldintzak errespetatuz.
"Duela gutxi arte osoki euskaraz egiten zuten gure ikasleek brebeta eta orain zientzietako froga euskaraz egitea debekaturik dugu".