Madrilgo Udalaren diru-kontuen kontrola ere bereganatu du Espainiako Gobernuak
Espainiako Ogasun Ministerioak Madrilgo Udalari jakinarazi dio hemendik aurrera astero gainbegiratuko dituela haren diru-kontuak, eta ez hiru hilero orain arte bezala. Gastu politika desegokia leporatzen dio Espainiako Gobernuak udalari; hiriko gobernu taldeak erantzun du superabita dutela eta beste ehunka udalek ez dutela betetzen legedi berriak ezartzen duen gastu araua.
Bigarren aldiz –aurrena Kataluniako Gobernuarekin egin zuten–, eta udal baten kasuan lehenengoz, PPren gobernuak Aurrekontuen Egonkortasun Legea baliatu du beste erakunde baten diru-kontuen kontrola hartzeko. Madrilgo Udalak egindako hainbat gastu aipatu ditu Ministerioak interbentziorako argudiotzat, besteak beste udalari ez dagozkion eskumenen aplikazioaren ondoriozkoak.
Madrilek erantzun du gaurko gobernu taldea udalera iritsiz geroztik 2.000 milioi euro jaitsi dutela zorra, eta 2016ko ekitaldia 1.000 milioiko superabitarekin itxi zutela. Moncloak dio Madrilek behin eta berriz urratu duela Aurrekontuen Egonkortasun Legeak ezarritako Gastu Araua; udalak, berriz, erantzun dio Espainiako Estatuan 600 eta 800 udal bitarte daudela egoera horretan, eta Madrilgo Erkidegoak, besteak beste, urtero urratzen duela delako araua.
Honenbestez, Ogasun Ministerioaren erabakiari helegitea aurkeztuko diola jakinarazi du Manuela Carmenak zuzentzen duen udal gobernuak. “Gure jarduera normaltasunez ez egitea da [ministerioaren] helburua”, salatu dute udaleko iturriek.
Moncloa jauregia, martxoak 18: industria militarreko elitea Espainiako presidente Pedro Sánchez eta Defentsa ministro Margarita Roblesekin bilduta. Azken lerroan, euskal ordezkaritza: Juan Ignacio López Gandasegui (Aernnova); Jokin Aperribay (SAPA); Carlos Azola... [+]
Orain Senatura bidean joango da legea, han PPk ahal duen neurrian atzeratuko du –bi bat hilabetez– eta gero berriz itzuliko da Espainiako Kongresura azken onarpena izan dezan.
El Diario egunkari digitalak argitaratu du Ertzaintzaren txostena. Honela dio: “Espainiako Inteligentzia Zerbitzuak beraien Gasteizko langileak mobilizatu zituen ETA Al Qaedarekin lotu ahalko zuen informazio bila”. Dokumentuaren arabera, Italiako web orri bat... [+]
904.000 milioi euro. Hori da ustelkeriaren kostua urtean Europar Batasunean, 2020an egindako ikerketa baten arabera. 2008. eta 2020. urteen artean 3.743 ustelkeria kasu plazaratu ziren komunikabideetan Espainiako Estatuan, horietatik 109 Hego Euskal Herriari zegozkien. Atzera... [+]
2021ean sartu zuen indarrean beherapena Espainiako Gobernuak, baina pasa den urtarrilean ekin zion hura goratzeari. BEZa igota, batez beste, %15 garestituko da urteko kostua. 2023an, inoizko emaitzarik onenak lortu ditu Iberdrolak.