Soziedad Alkoholika: "Zentsura inposatzen dute beraien erregimenetik"
Soziedad Alkoholika (SA) talde gasteiztarreko kideek Madrilgo Vistalegre jauregian egitekoa zuten kontzertua debekatu dietela jakin dute, kontzerturako astebete baino gutxiago geratzen denean.
Taldeak Facebooken duen profilean argitaratutako komunikatuan jakitera eman du debekuaren berri.
SAk azken bost urteotan Madrilen jotzeko saiakera ugari egin ostean debekua jaso izana gogor salatu dute: “13 urte igaro dira akusatzen eta etenik gabe jazartzen ari direla. Bederatzi urte igaro dira dagoeneko biktimei ustez irain egiteagatik epaitu eta absolbitu gintuztenetik”. Kontzertuaren debekua jasotzen duen autoa argudio “lotsagarriz” eta “gezurrez” beteta dagoela gaineratu du SA taldeak.
Duela zortzi urte AVT terrorismoaren biktimen elkarteak SA epaitegietara eraman izana eta sare sozialetan argitaratutako iruzkinak jasotzen ditu, besteak beste, Madrilgo Gobernuak helarazitako autoak.
SAko kideek adierazi dute Madrilgo Gobernuari "adierazpen askatasunez ahoa betetzen" zaiola: “Ez zaie gustatzen zer esaten dugun ezta nola esaten dugun ere, eta hori pisuzko arrazoia da kontzertua debekatzeko. XXI. mendean gauden arren, zentsura eta adierazpen askatasunari erasoak inposatzen dituzte beraien erregimenetik”.
Kontzertuaren antolatzaileek komunikatu bidez esan dutenaren arabera, Madrilgo erkidegoko beste udalekin harremanetan jarri dira debekatutako kontzertua egiteko baldintzak eskaintzen dituen toki baten bila.
Talde kontserbadore batek salatu du institutua, Muguruza hitzaldi bat ematera gonbidatzeagatik. Bellreguardeko Udaleko zinegotzi ohi batek esan du ez zela hitzaldirik egon. Institutuko zuzendaritza taldeak hilaren 26an deklaratu beharko du guardiako... [+]
Otsailaren 28an bi urte bete dira Pablo Gonzalez kazetaria Polonian atxilotu zutela. Errusiako espioia izatea leporatu zioten hango zerbitzu sekretuek, baina oraindik ez dute horren froga edo zantzu ñimiñoena erakutsi.
Iruñeko abeslaria bere abestietako letrengatik kartzelaratuko dute, besteak beste, udaltzainen kontrako "gorrotoa eta indarkeria" sustatzea leporatuta.
Josep Miquel Arenas Beltrán ‘Valtònyc’ rap kantari mallorcarrari hiru urte eta sei hilabeteko kartzela-zigorra ezarri zion Espainiako Auzitegi Gorenak bere kantuetan “terrorismoa goratzea” eta Espainiako koroari “irain egitea”... [+]
Donostiako Groseko jaietan larunbatean antolatu zen grafiti erakusketan sutan zegoen Ertzaintzaren furgonetaren irudia erakutsi zuten, eta Ertzaintza azaldu zen kentzera. Segurtasun sailburu Josu Erkorekak “gorroto eta indarkeria bultzatzen duen irudia” dela adierazi... [+]