Madrilen omenaldia egin diote ultraeskuindarrek hil zuten Yolanda Gonzalez deustuarrari
Duela 35 urte hil zuen Madrilen Espainiako eskuin muturreko Batallon Vasco Españolek (BVE) ikasle mugimenduko kide eta sindikalista.
Igandean sindikalista gazteari Madrilen egindako omenaldian 400 pertsona inguru bildu dira,eta Espainiako hiriburuko Aluche auzoko lorategi batzuei Gonzalezen izena jarri diete. Omenaldian Manuela Carmena Madrilgo alkate berriaren gobernuko kideak izan dira. Gonzalezen familiaren abokatuak eskatu du nork hil zuen argitu dadila, baita epaiketaren nondik norakoak ere.
Gonzalez etorkin familia batean jaio zen Bilboko Deutu auzoan. Partido Socialista de los Trabajadores (PST) talde troskistako kidea omen zen, zenbait iturriren arabera. 1980. urteko otsailaren 1ean irakaskuntzako greba baten ondoren bahitu zuten gaztea, eta galdekatu eta torturatu ondoren hil zuten.
Emilio Hellín espainiar ultraeskuindarra izan zen gazte bilbotarraren hilketaren arduraduna. Beste kide batzuekin batera 53 urteko kartzela zigorra jaso zuen arren, 7 urte baino ez zituen espetxean egin. Ondoren bere izena aldatu eta Paraguaira alde egitea lortu zuen. 2006 eta 2011. urteen artean Espainiako guardia zibilaren aholkulari lanak egiteagatik Espainiako Barne Ministeritzak hamabost aldiz kontratatu zuen eta 140.000 euro ordaindu zizkion.
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
ARGIArekin azken kolaborazioa egin nuenetik lau hilabete igaro direnean, testu honen bidez nire iritzi-artikuluei berriro heldu diet, baina azalduko dizuet zergatik alde egin dudan denboraldi honetan aldizkari maitagarri honen orrialdeetatik.
Otsailaren 20an La xarxa ultra... [+]
Memoria historikoaren aldeko hemeretzi eragilek bat egin dute, Askatasunaren Plazako eraikina eraisteko eskatzeko. “Ezinezkoa da frankismoaren monumentu honi nortasun berri bat ematea”, azaldu dute.
Iazko uztailean eraso zion faxista talde batek, labanaz. Orain, erasotua izan zen pertsona horri jarri diote 600 euroko isuna, faxistetako bati aurre egitea leporatuta.
