Madrilen 15 lagun daude gose greban indarkeria matxistaren aurka

  • Otsailaren 9an hasi zuten greba. Esan dute ez dutela bertan behera utziko alderdi politikoek indarkeria matxistaren estatu itunean haiek proposatutako 25 puntuak onartu arte.


2017ko martxoaren 08an - 08:00
Mónica Rochel gose grebalari berrietako bat da. Argazkia: El diario.es.

Otsailean zortzi emakumek hasi zuten gose greba Madrilgo Puerta del Sol toki esanguratsuan. Haietako lauk utzi dute greba osasun arazoengatik eta martxoaren 3an hamaika lagun batu zaizkie grebara, hamar emakume eta gizon bat.

Espainiako Estatuak indarkeria matxistaren krisi mahaia osa dezan eskatzen dute, Espainiako kaleetako odol isuria gelditzeko. Espainiako Estatuko Berdintasun Ministerioaren datuen arabera, 2017an 16 emakume hil dira haien bikotekide edo bikotekide ohien eskuetan eta 17. kasu bat ikertzen ari dira. Azken urteotako daturik okerrena da.

Indarkeria matxistaren ondorio larrienari galga jartzeko grebalariek 25 proposamen egin dituzte. Horien artean daude, feminizidioa kontzeptua onartzea, indarkeria matxistagatik zigortutako gizonek haien seme-alabekin harremanik ez izatea, eta epaiketak irauten duen bitartean emakumeen berrindartzeaz arduratzea. Martxoaren 6an Senatuan 25 eskaerak azaltzeko aukera izan zuten.

El diario.es egunkariak grebalariekin hitz egin du Puerta del Solen. Emakumeoi etsigarria egin zaie politikari bat bera ere ez gerturatu izana alderdiaren izenean, nahiz eta norbanako gisa hurbildu diren: “Badirudi ez dutela euren burua agertu nahi halako gai batean, askok esan digute argazkirik ez dutela nahi”.


Kanal honetatik interesatuko zaizu: Indarkeria matxista
Materialismo histerikoa
"Mario Lopez" eta "Gernika"

Krimen matxistak, mediatizatzen direnean, emakumeontzat lezio bilakatu ohi dira, eta bizirik badago, biktimarentzat. Nerea Barjola ikertzaileak Alcasserko kasuaren bidez azaldu zigun hori. Eta Nagore Laffageren hilketak ere lezio astun bilakatzeko arriskua izan zuen, lezioa... [+]


Diego Yllanesi ukatu egin diote haren inguruko albisteak ezabatzea

Nagore Laffagen hilketaren harira, Diego Yllanesek ahaztua izateko eskubidea aldarrikatu du. Espainiako Auzitegi Nazionalak eskaerari uko egin, eta erabaki du informazio eta adierazpen askatasuna gailentzen zaizkiola.

 


Epailearen aurrera eraman dute bikotekide ohia giltzaperatu eta eraso egiteagatik atxilotutako gizona

Ertzaintzak jakinarazi duenez, gizonak Gasteizko Alde Zaharreko lonja batean bahituta izan du emakumea zenbait orduz, eta hainbat alditan egin dio eraso. Gizonak urruntze agindua zuen, aurrez egindako tratu txarrak tarteko. Astelehen goizean atxilotu zuen Ertzaintzak, eta... [+]


2024-03-15 | ARGIA
Gizon bati Iruñerriko institutu batean eta saltoki batzuetan emakumeak grabatzea leporatu diote

2023ko urrian jarritako salaketa baten harira, gizonaren etxeko gailu informatiko eta elektronikoak ikertzen ari da Foruzaingoa, eta material horretan aurkitu dituzte institutu bateko emakumeen komunetan egindako grabazioak, eta hainbat saltokitako aldageletakoak. Adimen... [+]


Gasteizen atxilotutako gizona espetxera bidali dute, bikotekidea labankadaz hiltzen saiatzeagatik

Astearte honetan, herritarrek eta erakundeek erasoa gaitzetsi dute udaletxe aurrean egindako elkarretaratzean.


Eguneraketa berriak daude