Asteartean Flandriago Gantetik pasa ondoren, asteazkenean Frantziako Estatuko Lille hirira iritsi behar du ekainaren 5ean Baiona eta Donostian abiatu zen Alternatiba Itzuliak. Normandian barrena gero Bretainiarantz jarraituko du kostaz kosta Bordeleraino jaitsita Paris alderako azken txanpari ekiteko. Irailaren 26an iritsiko da Parisera, bertan udazken amaieran burutuko den Klimaren Gailuarraren aurretan herritarrak ohartaraztea helburutzat daukan ibilaldi handia.
Coalition Climat21 koordinadorak sustatzen duen Alternatiba Itzulia uda aurreratu ahala hasi da oihartzun handiagoa lorten hedabide nagusien artean, Le Mondek eskaini dion "Les militants d’Alternatiba pédalent pour le climat" erreportajeak erakusten duenez. Bidean oztoporik ez dute falta izan, Alemaniarako muga zeharkatzean polizia frantsesek egin zieten ongi etorria lekuko.
Abuztuaren 18an iritsiko da Alternatiba Bretainiako hiriburu Rohazon-Rennesera. Abuztuaren 30ean, igandez, Frantziako Estatuan azken urteotan ingurumena dela eta piztu den gatazka handiena denaren epizentrora helduko da. Hemen aspaldi gobernuak baimendu zuen aireportu erraldoi baten kontrako mobilizazioa dago martxan, azkenean eremu horretan antolatu delarik bizimodu alternatiboen laborategi handi bat. Bordeletik irailaren 8an iragan ondotik, Pariserako bidea hartuko du Alternatiba Tourrak.
Aldaketa klimatikoaren saihesteko bideak marrazteko eta justizia klimatikoaren alde lan egiteko gunea izan da Baiona Ttipia, asteburu guztian zehar. 15.000 herritar batu dira, hausnartzeko, alternatibak deskubritzeko zein garatzeko, eta nola ez, benetako aldaketak exijitzeko... [+]
Urriaren 5ean, ostiralarekin, Donostiatik igaroko da Alternatiba Tourra. Ekainaren 9an Parisen hasi eta 5.800 kilometro egin ondoren Baionan asteburuan amaituko den bizikleta itzuliak klimaren aldeko bizkortzea du helburu, eta horretarako ekonomia eraldatzailea ezinbesteko dela... [+]
Baionatik Bilbora: inor gutxik espero zezakeen Baionan 2013ko urriaren 6an ikusitakoa bi urte geroago Bilbon, 2015eko urriaren 24an errepika zitekeenik. Nik neuk ARGIAn hauxe idatzi nuen: “Ziur nago, Alternatiba eguna hemendik aurrera erreferentzia politiko nabarmena... [+]
60.000 pertsona baino gehiagok hartu dute parte Parisen Alternatiba Itzuliak larunbat eta igandean antolatutako ekitaldietan.
Urriaren 24an egingo dute Alternatiben Herria ekimena Bilbon. Finantzaketarako crowdfunding kanpaina jarri dute abian antolatzaileek: 21.050 euro lortzea dute helburu, baina lortu beharreko gutxieneko kantitatea 12.180 euroan jarri dute.