Jakinek zuzendaritza berria aurkeztu du, Lorea Agirre buru
Lorea Agirre izango da Jakin aldizkariko zuzendari berria. Hernaniko Orona Ideo Berrikuntza Gunean egin duten aurkezpenean, 14 pertsonako zuzendaritza berria publiko egin dute. Joan Mari Torrealdaik "etenik gabeko erreleboa" ematearen garrantzia azpimarratu du.
Orain 58 urte sortu zen aldizkarian belaunaldi aldaketa egingo dute. Ondorengoak ariko dira proiektua zuzentzen: Haizea Barcenilla, Harkaitz Cano, Idurre Eskisabel, Patxi Juaristi, Joanmari Larrarte, Maialen Lujanbio, Imanol Murua Uria, Andoni Olariaga, Olatz Osa, Gexan Sors eta Eguzki Urteagak. Joan Mari Torrealdai Jakin Fundazioko lehendakari izango da, eta Xabier Eizagirre erredaktore buruz.
Hiru aldaketa nagusi izango ditu proiektuak. Batetik, Jakin Fundazioa sortzea eta orain arteko materiala bertan jasotzea. Bigarrenik, webgunea indartzea. "Bizirik eta gaurkoturik mantenduko bagara, analogikoaren kadentzia edo maiztasuna geldoegi geratu zaigu". Eta hirugarrenik, proiektua gidatuko duen talde berria eratzea.
Informazio gehiago:
Berrian Juan Luiz Zabalak egindako elkarrizketa Joan Mari Torrealdairekin: "Poztekoa da herentzia hain esku onetan uztea, krisirik eta etenik gabe"
40 urte bete ditu euskal telebistak, eta 40 urteko ibilian goitik behera aldatu dira gauzak: telebista konbentzionala etxe batzuetan egotetik, guztietan presentzia hartzera pasatu da; baina egun, ikus-entzunezkoak nahieran ikusteko gehiago baliatzen da telebista,... [+]
Arrosa Irrati Sareak Nafarroan ospatuko du lehen aldiz komunikazio librearen aldeko eguna. Mende laurdena bete berri duen Esan Erran irrati txikian dute hitzordua, apirilaren 13an, Basaburuan. "Guretzat elkartzeko egun bat da, elkar gehiago ezagutu eta elkarlanaz... [+]
Datozen eraldaketa sakonen aurrean euskarazko hedabideek iraungo badute, erakunde publikoei prozesuak azkartzeko laguntza eta konpromisoak eskatu dizkie Hekimenek, herri ekimeneko euskarazko hedabideen elkarteak.
Trantsizio digitalarengatik eta lehengaien garestitzeagatik, 2023 urtea zaila izan dela nabarmendu du Hekimeneko zuzendari Igor Astibiak