LOMCE = Espainolismoa x (Erlijioa + Sexismoa + Elitismoa)

  • Espainiako Estatuak ezarri duen LOMCE legearen aurka agertu dira Ikasle Abertzaleak eta Eskola Eskola Publikoa Gaur Bihar plataforma. Besteak beste, erlijioak hartuko duen garrantzia, eta lege elitista, espainolista eta sexista dela salatu dute.


2013ko maiatzaren 23an - 00:00
Azken eguneraketa: 2015-02-26 13:37:33
Wert ministroak bultzatutako erreforma sexista, elitista eta espainolista dela salatu dute (Argazkia: Huffington Post)

EHIGE, BIGE eta SAREAN elkarteek osatzen duten Euskal Eskola Publikoa Gaur Bihar plataformak salatu du inposizioa dela “erlijioa irakasgai curricular moduan sartzea”. Izan ere, ez dute uste gainerako irakasgaien egutegi eta ordutegia baldintzatzea bidezkoa denik.

Ikasle Abertzaleek ere oharra atera dute Espainiako hezkuntza ministro Jose Ignacio Wertek bultzatutako legearen kontra eginez. Hiru esparru azpimarratu dituzte.

Batetik, sexismoa salatu dute, sexuaren arabera bereizten duten ikastetxeak diruz laguntzea bideratuko duelako legeak. Eskola ibilbidea goiz aukeratzeak genero-rol gatazka indartu egiten du, Ikasle Abertzaleen arabera.

Elitista dela adierazi dute, ikasleen beharrei erantzun baino enpresen beharrak asetzen dituelako. “Kalitatezko hezkuntza” gutxi batzuen eskuetan geratuko dela eta “mailaketa soziala ugarituko” dela ohartarazi dute.

Azkenik, lege espainolista dela salatu du IAk, PPren ideologiarekin adoktrinatu nahi baititu haurrak. “Euskara ikasgai espezifiko bezala kokatu eta hautazko huts izatea nahi dute”.

Horren aurrean, desobeditzea eskatu dute.               


Kanal honetatik interesatuko zaizu: LOMCE legea
Batxilergoko bost modalitate ezarriko ditu Lomloe lege berriak datorren ikasturtean

Espainiako Gobernuak abenduan onartu zuen hezkuntza lege berria, eta 2022-2023 ikasturtean aplikatuko da bigarren hezkuntzako eta batxilergoko maila bakoitietan. DBHn, hautazko ikasgai gehiago eskainiko dira, eta batxilergoan, arteari lotutako bi modalitate eta beste modalitate... [+]


LOMLOE, trileroen jokoa

"... hezkuntzako gastu publikoa barne-produktu gordinaren gutxienez ehuneko 5 handitzea..." Alderdi sozialistak erabili ohi duen eta LOE aldatzeko Lege Organikoaren Proiektuan jasotako dialektika tranpati horren beste esaldi bat da. STEILASentzat, hezkuntzan inbertsio... [+]


2020-11-06 | ARGIA
Lomce legearen ordezkoak ez ditu diruz lagunduko ikasleak sexuaren arabera bereizten dituzten ikastetxeak

LOMLOEn, LOMCE ordezkatuko duen legean, zuzenketa bat onartu du Espainiako Kongresuak: diru laguntzarik ez ikasleak sexuaren arabera banatzen dituzten ikastetxeentzat. Neurriak EAEko eta Nafarroako hainbat ikastetxetan izango du eragina, baina horietako batzuek... [+]


LOMCE indargabetuko duen Hezkuntza Legeari argi berdea eman dio Espainiako Gobernuak

Hego Euskal Herriko ikastetxeetan eragingo duen Hezkuntza Legea onartu du Espainiako ministroen kontseiluak. Bertan behera geratuko dira LOMCEk ezarri zituen errebalida polemikoak eta ibilbide espezializatuak, eta Erlijioa ez da notarako izango, besteak beste.


Bizi ala iraun?

“Esan gezur bat mila aldiz. Errepikatu hitzez hitz. Handik gutxira ikusi, egia bihurtzen. Haien ahotan ikusi, egia bihurtzen.” Horixe abesten du Gorka Urbizuk Berri Txarrak taldearen kontzertuetan. Cristina Uriarte Hezkuntza sailburuarekin gertatzen ari denaren... [+]


Eguneraketa berriak daude