Loiolako mendekua

  • Euskal gazteriaren aurkako Espainiako Estatuaren errepresioaren erdian, 2014ko irailaren 22an, Loiolako Basilikaren eskalinatan Herri Harresia egin genuen, epaiketara aurkeztu ez ziren bost euskal gazteak babesteko asmoz. Bertan izan ziren, beste ehunka herritarren moduan, Ertzaintzaren salaketaren ondorioz 23.663 euro ordaintzera zigortu dituzten Esteban Orbegozo azpeitiarra eta Beñat Hach Embarak ormaiztegiarra.

Joseba Alvarez @josebaalvarez  |  Maialen Begiristain
2018ko urtarrilaren 02a
Ehunka lagunek mozorrotuta egin zuten herri harresia. (Argazkia: Axier Lopez)

Egun hartan, Loiolako herri harresiko bost gazteak atxilotzeko unean, bortizkeria handiz aritu zen Ertzaintza, desobedientziaz eta erresistentzia pasiboz eskalinatan eserita zeuden ehunka herritarren aurka. Bortxakeria horren erdian, eta inork kolpatu ez bazuen ere, belauneko tendoia hautsi zuen ertzaina “Beltz” horietako batek. Orain, hiru urte beranduago, lan istripu horren ardura Esteban eta Beñati leporatu diete, sekulako zigorra jarriz eta desobedientzia zein herri erresistentzia pasiboa antolatzen eta lantzen duten herritarrei mezu argia luzatuz: honelakoa izango da desobedientziaren aurreko Jaurlaritzaren erantzuna!

Hasiera batean atentatu kargua leporatu nahi izan zien Ertzaintzak, baina agenteek beraiek grabatutako bideoak ikusi eta gero, atentatu kargua baztertzea erabaki zuten, horrelako akusazioa mantentzerik ez zegoelako. Ospitalean zauriturik zegoen ertzainaren lehen testigantzak ere bide beretik jo zuen: “belaunak kale egin zidan” esan zuen, horren ardura inori leporatu gabe.

Baina Aske Guneak eta Herri Harresiak antolatzen dituztenak eta bertan parte hartzen dutenak zigortzeko aukera honetaz baliatzea erabaki zuen Jaurlaritzak eta ertzain zaurituaren lehen deklarazioa aldarazi zuen, zauria ez zela lan istripua esanez, operazio horretan izan ziren erasoen ondorioa baizik. Gezur galanta dela jakin arren, horrela jokatu dute Jaurlaritzako abokatuek Barne Sailaren aginduz. Desobedientziaren aurkako zigor politiko eta ekonomiko bortitza behar zuen Urkulluren Gobernuak eta lortu du: bigarren epaiketan, lehenengoan esan zenaren kontra, 23.663 euroko zigorra jarri die epaileak Esteban eta Beñati erantzukizun zibilaren izenean.

Bi zigortuen abokatua den Garbiñek Gomezek epai honek eragiten dion kezka eta larritasuna azpimarratu du, “Lurralde Epaitegiak egindako irakurketak hankaz gora jartzen ditu Zuzenbidearen oinarrizko printzipioak”. Bere iritziz, eta hala jaso zuen lehen epaiak, zauritutako ertzaina, istripu baten ondorioz zauritu zen, prozedura judizialean izandako ebazpen guztiek onartu zuten moduan. “Honetan oinarriturik ulertu zuen Donostiako Zigor Arloko epaitegiak ezin zituela ez Estebanek ez Beñatek Erantzukizun Zibila bere gain hartzera behartu, ez zirelako ertzainaren lesioen eragile zuzenak”.

Eta lehen sententziak hori esan zuen arren, alferrikakoa izan da, Lurralde Auzitegiak, hori bera onartuta ere, baieztatzen baitu protestan egote soilak berarekin dakarrela egon litezkeen ondorioak norbere gain hartzea... Eta hori Garbiñe Gomez abokatuaren iritziz ulertezina eta juridikoki onartezina da. Izan ere, protesta batean parte hartze soilak “de facto” ez du inor errudun bihurtzen eta ezta gerta daitezkeen ondorioen erantzule ere. Horrela jokatzeak, “jabetza indibidualaren printzipioa eraso egiten du eta, gainera, bide arriskutsua irekitzen du etorkizunean izan litezkeen protestak kriminalizatu eta zigortzeari dagokionez. Honek, noski, errugabetasun printzipioa bera ere kolokan jartzen du”. Baina Ertzaintza eta Ertzaintzaren jokamolde bortitza babestu behar zituen Jaurlaritzak, gezurren bidez herritarrak zigortzen ditu.

Guardia Zibilarekin edota Polizia Nazionalarekin gertatzen den moduan, Ertzaintza ere prozedura judizial baten erdian badago, parekotasun prozesala desorekatu egiten da beti poliziaren mesedetan, berdez, marroiez, urdinez ala gorriz jantzita dagoen kontuan izan gabe.

ELEAK-Libre Mugimenduaren iritziz argi eta garbi adierazi nahi dugu Jaurlaritzak ez zekiela nola aurre egin desobedientzian eta ez-biolentzian oinarriturik garai hartan ugaritzen ari ziren dinamika herritarrei eta, bereziki, Aske Gune eta Herri Harresiei. Azken urteetan izan ziren borroka molde hauetan oinarritutako ekimenen aurkako operazioetan, Donostian, Ondarroan, Gasteizen edota Loiolan, Ertzaintzaren irudia oso kaltetua geratu zen, Katalunian Polizia Nazionala eta Guardia Zibilarena bezala, biolentzia bakarra beraiena dela argi eta garbi geratzen baita jendartearen aurrean.

Desobedientzia ez-biolentoaren aurkako benetako mendekua izan da Loiolako sententzia, baina alferrikakoa, eskubide zibil eta politikoen defentsan, desobedientziari eutsiko baitiogu etorkizunean ere.

Honen aurrean, beldurra galdu eta neurri hauen aurka borrokatzera animatu nahi dugu euskal jendartea. Esan beharrik ez dago, ELEAK-Libre Mugimenduak laguntza eta babesa emango diela horrelako egoeran dauden herritar guztiei, eskubide zibil eta politikoen aurkako edozein erasok, neurriko erantzuna behar duelako, zein nahi delarik errepresioa eta bortxaketa bideratu duen polizia, erakunde edota entitate mota.

Bitartean, Estebanek eta Beñati lapurtu dieten dirua berreskuratu beharra dugu guztiok. Horretarako Laboralean Beñat Hach Embareken izenean ES65 3035 0006 84 0060022507 zenbakia duen Kontu Korrontea zabaldu dugu eta dei egiten diogu euskal herritar orori zein talde edota eragileei herriz herriz kultur, kirol, politika, gastronomia... ekimenak antola ditzaten zigorra ordaintzeko dirua biltzeko eta gertatutakoa salatzeko. Estebanek eta Beñatek elkartasunez jokatu zuten, orain guri dagokigu beraiekiko elkartasunez jokatzea.

Maialen Begiristain eta Joseba Alvarez, ELEAK-Libre Dinamikaren izenean

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Iritzia  |  Herri mugimenduak  |  AskeGunea Loiola

Iritzia kanaletik interesatuko zaizu...
Indar aurrerakoien borroka Latinoamerikan

Latinoamerikako bataila gogorra izaten ari da. Inflexio puntua, Lula da Silvak azaldu bezala, 2009an gertatu zen Barack Obamak kargua hartu zuen unean: “Brasilekiko harremanetan George W. Bush eta Condoleezza Rice askoz ere demokratagoak izan ziren Obama eta Hillary Clinton baino”. Obamak, 2009ko ekainaren 28an, kargua hartu eta sei hilabetetara, Hondurasko estatu kolpe militarra babestu zuen. Ondoren, hainbat herrialdetan esku-hartze edota desegonkortze estrategia anizkoitzak jarri... [+]


Abantoko parke teknologikoa: ezkerrak badu eredurik?

Abanton agintariek planteatu duten parke teknologikoak hizpidea sortu du azken hilabeteotan Bizkaiko mendebaldean. Autobideari itsatsiriko landa lurretan 2.000 lanpostu sortuko omen dituen 4.0 industria proiektu modernoa dator gurera. Finantzazio publiko-pribatuz energia arloa izango du ardatz. Foru Aldundia, Petronor eta Iberdrola dira ekimenaren sustatzaile nagusiak.  

Eskualdeko udal guztien alkatetza duen EAJ-PNVko agintarientzat hori izango da gure inguruko langabezia tasa... [+]


Migrazioak eta garapena? Win-win eszenatokia posible ote?

Azken aste hauetan, berriz ere, migrazioei loturiko gaiek indarra hartu dute agenda politiko europarrean. Hartu behar diren neurrien artean migrazio guneak diren lurraldeen garapena bultzatu behar dela entzun da behin baino gehiagotan. Horrela, fluxuak baretzeko –baina ez hori bakarrik– migratzaileek beraiek garapen hori bultzatu dezaketela azpimarratzen da. Bitxia bada ere, diskurtso hori migrazioen inguruko eztabaidan kokatzen diren muturretan entzun dezakegu. Frantziako Fronte... [+]


2018-07-22 | Edu Zelaieta Anta
Gol mundiala

Bukatu da, ederra kostata hori bai, munduko futbol txapelketa. Gauzak zer diren, baina, munduko txapelketaren ondotik ikusi dut nik gol mundial bat, telefono konpainia baten kaleko iragarki batean. Jokalaririk edota belarrik ez bazegoen ere, marketinaren gol bikaina iruditu zait, erretorika saltzaileak maite dituen letra handitan, gazteak erakartzeko asmoz: “Gu gara beti konektatuta egoten direnak”.

Konpainiak “eskaintzen” duen produktua gehiago saldu nahian,... [+]


2018-07-22 | Irati Elorrieta
Lorategi birtualak

Txakurrak jabearen antza izaten du. Lorategiak ere bai. Batek atzeko patio batean, zementu artean, pintura poteak, baldeak, tinak asto-kakaz bete ditu eta kalabaza, tomate, kaputxinak, kolore askotariko loreak nahasian landatu ditu. Alboko patiotik bereizten duen hesiaren beste aldean, terraza minimalista batean, etzaulki bat, liburu bat mahaitxo gainean. Auzokoak zeramikazko lorontzi erraldoi batean sartu du, pintatu egin duela dirudi, kaktus erraldoi bat. Besoak bihurrituta ditu landareak,... [+]


Fauna publikoa
Kanpolarrosa festival

Asteburu osoa pasa dut BBK Live jaialdiaren txioak ikusten festibalaren kontu ofizialean eta, dirudienez, Euskaraldiarekin gure hizkuntza normalizatzeko sortzen ari den kolorinetako kontsentsua ez da Kobetamendira iritsi.


2018-07-16 | Iñaki Etaio
Iruñeko zezenketak: momentua heltzen ari da

Zezenketak debekatzeko borroka luzea bada ere, ez dago zalantzarik sanferminetan ere gero eta protagonismo gehiago hartzen ari dela. Eztabaidan, maiz entzuten eta irakurtzen da zezenketen kontrako jarrera bultzatzen dutenak nagusiki kanpokoak direla, hori pisuzko argudioa izango balitz bezala.


2018-07-15 | Jon Alonso
German 40 urte

Ez  dakit zehatz artikulu honek noiz ikusiko duen argia, baina imajinatzen dut ateratzerako eginda egongo dela 2018ko uztailaren 8ko ekitaldia, German Rodríguez hil zuten 40. urteurrena gogoratzeko egin behar dena.

Udaletxe plaza leporaino beteko dela ez daukat zalantzarik; izan ere urtea emankorra izan da, eta makina bat ekitaldi, mota askotako, egin izan dira urtean zehar azken omenaldi hau arrakastatsua izan dadin; ez alferrik, prestaketa lanak duela urte eta erdi hasi ziren,... [+]


Besaulkiko tronutik

Ezkerrekoak gara, langileak. Tira, langileak bai, baina klase ertainekoak. Hori bai, kontsumitzen dugunean, kapitalista gara. Lanegun luze baten ostean, hozkailua ireki eta ganorazko afaririk prestatzeko ezertxo ez. Gaur ere astirik ez dugu izan erosketak egiteko. Auzoko denda txikiak goizegi ixten dituzte eta!

Eskuko telefonoa hartu eta errazena egingo dugu. Astea gogorra egiten ari da eta hainbeste lan egin ostean... delivery bat eskatuko dugu. Zerk tentatzen nau gehien? Zer arraio,... [+]


Eguneraketa berriak daude