Hustu egin dute Lezoko Lobato Etxea, eta erabateko husketa gauzatzean hasiko dira eraiste lanekin. Horixe jakinarazi du Oarsoaldeko Hitzak. Ertzaintzaren hainbat furgoneta eta auto bertaratu dira goizeko lehen ordutik, eta bizilagunak liskarrik gabe atera dituzte eraikinetik, egunkariak jakitera eman duenez. Tamaina handiko objektuak ateratzen utzi diete, eta lekualdatzea egitera behartu.