Obamak uko egin dio Leonard Peltier preso politiko amerindiarraren zigorra barkatzeari

  • Duela egun gutxi arte AEBetako presidente izan den Barack Obamak Leonard Peltier aktibista indigenari zigorra barkatzeko aukera ez du baliatu, Democracy Now!-k jaso duenez. Peltier biziarteko bi espetxe zigorretara kondenatu zuten ustez 1975ean Hego Dakotako Pine Ride indiar erreserban gertatutako tiroketa batean FBIko bi agente hiltzea egotzita.

Iosu Alberdi Atxurra @atxurraa
2017ko urtarrilaren 23a

Amnistia Internazionala erakundeak Obamaren erabakia gaitzetsi du. Erakunde honek preso politikotzat hartzen du Peltier eta bere epaiketan irregulartasunak gertatu zirela salatu. Heriotzak dakota herriaren lurralde sakratuan uranioa eta ikatza aurkitu eta hilabete gutxira gertatu ziren. Garai berean 250 indiar hil zituzten eta inor ez da zigortua izan hilketa horiengatik.

Amnistia Internazionalak AEBetan duen zuzendari Margaret Huangek albisteak tristatu dituela adierazi du: “Epaiketara eta kondenara eraman zuten prozedura legalen justiziak sortutako kezkak kontuan izan arren, Peltier 40 urte baino gehiagoz espetxeratuta egon da. Beti bere errugabetasuna defendatu du. FBIren eta Mugimendu Indigena Amerikarraren arteko liskarretan hil ziren agenteen familiek justiziarako eskubidea dute, baina Peltierren espetxe zigorrak ez die balioko”.

Peltierren abokatu Martin Garbusek adierazi du Obamaren ezezkoa heriotza zigorra ezartzea dela. Peltier larri gaixo dagoela azaldu du, “kartzelan 40 urtez egon ondoren, urte gogorrak igaro ditu”, horietako sei isolatuta. Garbusen ustez, Obamak ez badu egin, Trump presidente berriak ere ez du askatuko.

Bete gabeko promesa

Obamak bere presidentetzako lehen urtean Guantanamoko kartzela itxiko zuela agindu zuen. Hori duela zortzi urte izan zen, baina honek boterea uztean oraindik 41 preso daude. Urtarrilaren 19an egin zen azken mugimendua Guantanamon, Pentagonoak lau preso handik Saudi Arabiara eta Arabiar Emirerri Batuetara lekualdatu zituen.

Kanal hauetan artxibatua: AEB  |  Guantanamo  |  Herri indigenak

AEB kanaletik interesatuko zaizu...
2018-02-16 | Axier Lopez
Afganistango okupazio militarraren emaitza: egunero 29 zibil hil dituzte 2017an

Azken urteotan Afganistanen hil edo zauritu dituzten zibilen kopuruak behera egin badu ere, AEBek sustatu eta hainbat herrialdek babestutako gerraren emaitza lazgarria da: 2009tik hona 28.291 zibilen heriotza eta 52.366 zauritu zenbatu ditu Nazio Batuen UNAMA erakundeak.


2018-02-15 | Miren Osa Galdona
AEB: egunean 40 lagun hiltzen dituzte suzko armekin

Urtea hasi denetik, jada 1.816 lagun hil dira tiroz AEBetan; egunero, batez beste, 40 lagun hiltzen dituzte. Sei astetan 30 tiroketa erregistratu dituzte herrialde osoan eta 6.570 gertakari armekin lotutakoak izan dira. Gun Violence Archive gobernuz kanpoko erakundeak emandako datuak dira eta atzera begiratuz gero, datuak are esanguratsuagoak dira: 2014tik gutxienez 12.000 lagun hil dira arma tiroz.


Black Lives Matter-eko ekintzaile bat hil dute tiroz

Muhiyidin d’Baha Black Lives Matter-eko 32 urteko aktibistari hankan tiro egin zioten bizikletan zihoala asteartean, AEBetako New Orleansen. Poliziak lurrean aurkitu zuen gaztea, eta ospitalean hil zen  tiroketak eragindako zaurien ondorioz, Democracy Now-n jaso dutenez.


2018-02-08 | ARGIA
Taxi gidari bat suizidatu da New Yorkeko udaletxean Uber eta politikariak arduradun eginez

Facebooken ohar luze bat idatzi ostean, bere buruaz beste egin du New Yorkeko udaletxe aurrean taxi gidari batek, Democracy Now gunean jaso dutenez. Azken hiru hilabeteetan hiru taxi gidarik egin dute beren buruaz beste New Yorken.


2018-02-04 | UNAMA | Axier Lopez
Afganistan, Mendebaldeko demokraziaren beste lorpen bat

Larunbatean Kabulen talibanek anbulantzia batean jarritako bonbak 103 hildako eta 235 zauritu eragin zituen. Hirugarren sarraskia da 2018an. 16 urte pasa dira AEBek herrialdea militarki okupatu, suntsitu eta beren interesen aldeko sasi-gobernua inposatu zutenetik.


Rosie errematxatzailea hil da

1942an J. Howard Miller-ek, fabrikako langile baten argazkian oinarrituta, ezkerreko kartel ezaguna diseinatu zuen.


Ikara Pazifikoan: eraso atomikoa iragarri dute Hawaiin... ez kasualitatez

Urtarrilaren 13an, larunbata, beren bizitzako estutasunik larriena jasan zuten Hawaii uharteetako herritar askok, Ozeano Barean. Ipar Koreak bere mehatxua gauzaturik misil atomikoa bidalita, Hawaiira bidean zela abisatu zieten agintariek. 30 minutuz iraun zuen alarmak, harik eta agintariek argitu zuten arte simulazio batean gertatutako hutsegitea izan zela. Litekeena da, hala ere, hutsegitea baino zerbait gehiago izatea, munduak bizi duen arma atomikoen norgehiagokaren erdian.


AEBetako Poliziak hainbat hildakoren eskuetan jostailuzko pistolak ipini dituela frogatu dute

Baltimoreko Gun Trace Task Force Poliziaren elite taldeko zortzi kide epaitzen ari dira ustelkeria egotzita. Epaiketak agerian utzi du polizia askoren maukapeko estrategia: gezurretazko pistolak eramaten zituzten aldean, ondoren pertsona errugabeei ipintzeko. Horrela, poliziek norbaiti tiro eginez gero, euren burua zuritzen zuten pertsona armatua zela esanez.


2018-01-21 | Asier Blas
Ezker eraldatzailea bizirik dago Latinoamerikan

Mundua polo bakarreko egitura inperialista batetik polo anitzetako egitura baterako trantsizioan dago. Berri ona da, potentzien arteko pisu eta kontrapisuen joko horrek soberania esparru autonomoak eta eraldatzaileak jaio edota indartzeko abagunea sortu baitu. Testuinguru horretan garatu ziren Latinoamerikako ezkerreko gobernuak. Zoritxarrez oasi bat izan dira indar progresisten panoraman. Bitartean, munduko ezkerreko indar hegemonikoak noraezean egon dira.

Ezkerreko puristek maiz kritikatu... [+]


2018-01-11 | ARGIA
60 atxilotutik gora etxe bateko festan AEBetako Poliziak, 30 gramo marihuanagatik

AEBetako Georgiako estatuan, poliziak 60 gaztetik gora atxilotu zituen Atlanta hiriko kanpoaldean etxe batean egiten ari ziren festan, Democracy Now gunean jaso dutenez. Marihuana pixka bat aurkitu zuten bertan.


Azkenak
EGILEA
Eguneraketa berriak daude