Leioako campusean eraikin bat okupatu dute, "ikasleriaren zerbitzura jartzeko asmoz"

  • Ikasle mugimenduak Gurutze Gorriarena zen eta hutsik zegoen eraikina okupatu du EHUren Leioako campusean, astearte bazkalostean. Ikasturte hasieraz geroztik hainbatetan okupatu izan dute, baina oraingoan publiko egin dute irakurketa eta egoera.

ARGIA @argia
2017ko abenduaren 12a

Hain zuzen ere, EHUko Klaustrorako eta ikastegietako batzarreratarako ikasle hauteskundeak egiten ari diren egunean okupatu dute eraikina. 30en bat ikasle jarri dira eraikinaren ate aurrean, hesia osatuz. Ertzaintzak haietako hiru identifikatu ditu gutxienez. Bertatik informatzen ari zen Berria-ko Maider Galardi kazetariak salatu du ikasle bat identifikatu dutela berak adostu arren horren arrisku gabe elkarrizketa egin ahal izango ziola.

Ikasleek EHUren negoziatzeko eskaria egin dute, eta Errektoretzara abiatu dira haietako batzuk. Campuseko errektoreordearekin hitz egin, eta hark esan die okupatu duten eraikina unibertsitatearena dela, eta ez duela baimenik emango ikasleek gaua igarotzeko ezer sar dezaten (janaria, mantak, lo zakuak...). Hala ere bertan lo egitea erabaki dute barruan daudenek, eta azken orduan hainbat gauza sartzea lortu dute, @Leioatik! twitter kontutik zabaldu dutenez.

Hau da okupazioa azaltzeko zabaldu duten manifestua:

Ikasturte honetan, Leioako Ikasle Mugimendutik behar ezberdinak ikusi dira. Izan ere, nabariak dira ikasleon behar inmediatoak: fotokopietan, eskola materialean, matrikuletan... alde batetik, eta bestalde janarian, etxebizitza edo alokairuan... gastatu beharreko dirutza. Horiek adibide gutxi batzuk dira, baina argi izan behar dugu arazoa kolektiboa dela eta kolektiboki erantzun beharraz gain, bizitzako esparru guztietan eragiten digula.

Horrekin batera, ikasleon proiektu propioak garatzen hasteko leku fisiko baten premia ikusi da. Hori dela eta, erabilerarik ez duen eta guztiz hutsik dagoen Gurutze Gorria egon ohi zen eraikina horri ekiteko leku idealtzat jo eta okupatu genuen ikarturte hasieran. Eraikinaren erabilpen eza dela eta, hura txukundu eta erabilera ematen hasteko neurriak hartzea geure gain hartu genituen.

Unibertsitatearen erantzuna aldiz, errepresioa izan da. Proiektu honetan lanean ari ziren ikasleak jazarri ondoren, eraikina hainbatetan itxi digute jada. Gu ordea, bertan sartu gara itxi diguten bakoitzean, proiektu honek merezi duela uste baitugu. Gaurkoan ere, eraikina berreskuratzea erabaki eta gure proiektuak garatzeko espazioaren aldeko borrokan berretsi gara.

Erabilerarik ez duen lokal hori beste harreman sozial batzuen, hots, beste funtzionatzeko era baten baitan kokatzen dugu. Burgesiaren boterearen oinarri materialtzat jotzen dugu desjabetuok kapitalarekiko dugun dependentzia. Izan ere, langileria ez da gai ekoizpen modu kapitalistatik at, hau da, merkatuaren bidez ez den modu batean astetzeko bere beharrizanak. Horrek burgesiaren kapital metaketa areagotzea dakar, marko horretan parte hartzen dugun bakoitzean gure desjabetu egoera erreproduzituz.

Horregatik, gure bizitza esparruen jabetza eskuratzera salto egin eta berau artikulatzea beharrezkoa dugu. Kontziente gara eraikin honek proiektu propioak garatu eta gure botere politikoa eskuratzera bidean, forma materiala hartuko duten aurrerapausoak emateko izan dezakeen garrantziaz. Izan ere, gure emantzipazio soziala lortu nahi badugu, gure bizitza esparruen jabe egiten hasi nahi badugu, momenturen batean beharrezkoa dugu beste logika baten baitan kokatuz, gure beharrizanak guk geuk asteatzeko gai izatea.

Hori dela eta, gure apustua jabetza kolektiboaren aldekoa da, hots, desjabetuak garenon artean gure beharrak asetzeko elkartasunaren aldekoa. Lokal honek eskainiko dituen baliabideak ikasleriaren eta orokorrean, hauen beharra duten langileriaren sektoreen zerbitzura jarriko ditugu. Hau guztiagatik, dei egiten diogu Leioako Ikasle Mugimenduari lokal horren desfentsara batzera eta bertan garatuko diren proiektuetan ekarpena egitera.

Ikasleok saretu eta antolatu!

Gora ikasleon borroka!

Kanal hauetan artxibatua: Ikasle mugimendua  |  Okupazioa  |  Leioa

Ikasle mugimendua kanaletik interesatuko zaizu...
2018-01-09 | Topatu.eus
Azterketa ereduak kolektibizatzeko dei egin dute Ibaetako Guneako asanbladako kideek

Kolektibizazio proiektu bat jarri dute martxan aurtengo ikasturtean Ibaetako campuseko Guneako asanbladako kideek, "beste logika baten baitan harremanak eraikitzen hasteko, elkartasuna ardatz izanik". Hori dela eta, azterketa ereduak partekatzeko dei egin dute.


2017-12-18 | Miren Osa Galdona
Leioako campuseko Gurutze Gorriaren eraikina eraitsi dute

Ikasleak asteartean okupatu zuten Leioako campusean urte luzez hutsik egon den eraikina. EHUrekin negoziatzen saiatu arren, erakundeak uko egin dio negoziatzeari eta behera bota du ikasleen azken egitasmoa.


2017-12-15 | Miren Osa Galdona
"Ikasleen autogestioa sustatzeko okupatu dugu Leioako Gurutze Gorriaren eraikina"

Leioako Ikasle Mugimenduko hainbat kide campuseko Gurutze Gorriaren eraikinean sartu dira aste honetan. Autogestioa eta burujabetza ardatz izango duen gune bat lortu nahi dute, ikasleen beharrei erantzuteko. “Ez dugu EHUren eskaintzen menpe egon nahi”, azaldu dio ARGIAri kide batek. EHUk ateak parez pare itxi dizkietela azpimarratu du, negoziaketei uko eginez.


2017-11-17 | ARGIA
Atxilotze agindua jaso dute Leioako istiluen harira inputatutako sei gazteek

2016an EHUren Leioako campusean izandako protesten ondorioz inputatutako sei gazteek epailearen aurrera joateari uko egin diote, ondorioz deklaratzera eramateko atxilotze agindua jaso dute.


2017-10-26 | Topatu.eus
Ikasleak prekarietatean
MULTIMEDIA - erreportajea

Ikasketak eta lana uztartzeko zailtasunak, alokairuen prezio ordainezinak, denboraren kudeaketa zaila edota garraioaren eskasiak... Askotariko arazoei aurre egin behar izaten diete Euskal Herriko ikasleek egunerokoan. Prekarietateari eutsiz batzuetan, alternatibak eraikiz besteetan. Euren testigantzak eman dizkigute Euskal Herriko bost ikaslek.


ZientziHerria jaio da, zientzia herriaren esku uztea helburu

“Gutxi batzuen esku dagoen zientzia herriaren esku uztea eta pribatizaziotik at, zientzia eredu berri bat sortzea”. Horra EHUko Zientzia eta Teknologia fakultateko ikasleek abiatu berri duten ZientziHerria ekimenaren helburua. “Zinez uste dugu zientziak bere alea jar dezakeela iraultza integral baten mesedetan”, diote.


"Ez ditugu onartzen inputatzen zaizkigun karguak eta borrokarako prest jarraitzen dugu"

2016ko apirilaren 26an manifestazioa egin zuten Leioako campusean, Ikasle Abertzaleak taldeak deituta. Istiluak egon ziren eta sei ikasle atxilotu eta inputatu zituzten. Urte bat geroago adierazi dute ez dituztela onartzen inputatzen zaizkien karguak eta ikasleriari dei egin diote errepresioaren aurka autodefentsa mekanismoak garatzeko.


2017-04-07 | Topatu.eus
Duintasunez ikasteko eskubidea eta ikasle presoen askatasuna aldarrikatu dituzte Osnyko espetxe aurrean

Dozenaka gaztek egin dute martxa Frantzia iparraldeko Osny espetxera, ikasle presoen alde. Espetxeko hormetaraino eraman dute euskal preso eta iheslarien askatasunaren aldeko aldarria.


Hezkuntza propioaren aldeko borrokak batuta

 “LOMCEren xirimiriak berdin-berdin busti ditu nazio zapaldu guztiak”. Hala esan digute Hego Euskal Herriko, Galiziako eta Herrialde Katalanetako ikasle mugimenduek. Hiruengana jo dugu, konta diezaguten egunerokoan nola egiten dioten aurre geldirik baina bizirik dagoen Espainiako hezkuntza legeari.


Ikasle presoak klasean egon daitezen eskatzeko, kartzela-martxa egingo dute Osnyra

Ikasle presoei “elkartasuna adierazi eta jasaten ari diren jazarpena” salatzeko, apirilaren 5erako eta 6rako antolatu du Prest!-ek (Ikasle mugimenduko presoen sostengurako taldeak) martxa Osnyko —Paris ingurua— kartzelara.


Azkenak
EGILEA
Eguneraketa berriak daude