Leherketa izan da Frantziako Flamanville zentral nuklearrean
Ostegunean 10:00ak inguruan, leherketa izan da Frantziako Flamanville zentral nuklearrean, Ouest France egunkariak informatu duenez. Zaurituak daudela informatu dute hedabide lokalek, nahiz eta datu askorik ez den.
Zentralaren jabe den ED konpainiak Twitterrez zehaztu du leherketa bat gertatu dela lehen erreaktorearen makinetan, "eremu ez nuklearrean", eta suhiltzaileek berretsi dutela surik ez dagoela bertan. Lehen erreaktorea sare elektrikotik berezi dute.
Bi erreaktore daude martxan, bata 1986tik eta bestea 1987tik. Hirugarren bat eraikitzen ari dira 2007tik, 2018an martxan jartzeko. Hasiera batean zabaldu da hirugarren honetan izan dela leherketa, baina ez, lehenengoan izan da. Agintariek esan dute ez dagoela arrisku nuklearrik.
Eguerdiko 12:00etan oraindik suhiltzaileak kontrolatu nahian ari ziren zentralean piztutako garrak. Agintariek jakinarazi dute istripuaren ondorioz dagoenekoz martxan dauden bi erreaktoreetako bat geldiarazi egin dutela.
Flamanvilleko zentrala da Frantziako industriaren ikurra azken urteotan, bertan eraikitzen ari diren 3. erreaktorerako iragarri baitziren belaunaldi berriko erreaktoreen hobekuntzak. Baina hirugarren erreaktore honen eraikuntza istripu eta ezustekoz betetako gurutze bidea bilakatu da.
Flamanville Normandian dago, Cherbourg hiritik hurbil.
Nazioarteko Energia Agentziaren esanetan 2025ean inoiz baino energia nuklear gehiago produzituko da munduan. Nuklearren bultzada berri baten aurrean gaude, baina erreaktore eta zentraletan izaten diren “gertakariak” ikustea besterik ez dago hartzen ari garen... [+]
Legebiltzarrak astearte honetan, hilak 21, onartu du erabakia gehiengo handiz: 456 boto alde eta 153 kontra. Horren bidez, eskatu dio Europar Batzordeari prestatzen ari den Isuririk Gabeko Industriaren Europako Legean onar dezala energia nuklearra zero isuri duten energien... [+]
Erradiazio eta segurtasun nuklearreko adituek adierazi dutenez, Fukushima Daiichiko instalazio nuklearretik isurtzen ari diren ur erradioaktiboa ez da mehatxu esanguratsua, ez itsasoko bizidunentzat, ezta pertsonentzat ere. Hala adierazi dute Science aldizkarian argitaratutako... [+]
Hodeia ez da existitzen, beste norbaiten ordenagailua da. Zehatzago esanda, beste norbaiten ordenagailuz betetako pabiloi erraldoiak dira hodeia, eta energia kopuru izugarriak behar dituzte. Microsoftek erreaktore nuklear txikien aldeko apustua egin nahi du energia behar horiek... [+]