Lehendakariaren prentsa arduradunak dimititu du, inputatua izan ostean
Eusko Jaurlaritzak “Noticias” taldeko hedabideei egindako ustezko ordainketengatik inputatu dute lehendakariaren komunikazio zuzendari Iñaki Bernardo. “Momentuz” kargua uztea erabaki du, otsailean epailearen aurrean deklaratu arte.
Kasuaren pizgarria Gorka Manerio UPDko legebiltzarkideak jarritako salaketa izan da. Maneiroren arabera, Jaurlaritzak 230.000 euro inguru ordaindu dizkie "bere inguruko" hedabideei –salaketan Noticias taldeko Deia, Noticias de Gipuzkoa, Noticias de Alava eta Onda Vasca aipatzen dira– haren aldeko informazioak argitaratzearren. Bere esanetan, Jaurlaritzak diru hori publizitatea argitaratzeko ordaindu zien, baina ordaindutakoa ez zen publizitate bezala agertu, “albiste moduan baizik” –elkarrizketa, erreportaje eta mahai inguruak aipatzen ditu–.
Gasteizko Instrukzio Epaitegiko magistratuak bere autoan azaldu du salaturiko jazoeren atzean diru publikoaren erabilera okerra, kontratazio iruzurra eta prebarikazio delituak egon litezkeela. Bestalde, epaileak Jaurlaritzari eginiko ordainketei buruzko froga dokumentalak eskatu dizkio.
Autoan Segurtasun, Enplegu, Hezkuntza, Justizia, Ingurumen eta Administrazio departamentuak aipatzen dira, baina Maneiroren esanetan, “beste sail batzuk ere inplikaturik daude”. Legebiltzarkidearen aburuz, Jaurlaritzak diru publikoa bere ildoko hedabideei ordaintzeko erabiltzea “oso larria” da. “Klientelismoaren, lagunkeriaren eta ustelkeriaren borrokan ez gaituzte geldituko”, baieztatu du.
Jaurlaritzak Bernardoren jokamoldea goraipatu du
Epaileak esan du Bernardo erruduntzat jotzeko oraindik ez dagoela “zantzu nabarmenik”. Gobernuko iturriek adierazi dute momentuz “UPDren salaketa bat besterik" ez dela. Horrez gain, Bernardoren portaera goraipatu dute. Euren esanetan, ez zegoen dimititzera beharturik, baina “higiene politiko eta demokratikoagatik” hala egitea erabaki du.
Iñigo Urkulluk, bere aldetik, ukatu egin du “Noticias” taldeko komunikabideei faborezko tratua eman izana eta, era berean, ordainpeko informazio horiek etekin politikoa erdiesteko erabili izana. Zernahi ere, Natalia Gonzalez de Uriartek El Diario kazetan azaldu duenez, Urkulluk onartua du Noticias taldeko hainbat hedabideri 41.500 euro ordaindu dizkietela eta kontratu horiek “zer hobetua” dutela. Ordainketa horietan azkena Gobernuaren Enplegu sailak Deiari bi orriko erreportaje baten truk eginiko 3.500 euroko pagamendua litzateke.
Eusko Jaurlaritzako Segurtasun sailburuaren arabera, gazteek ertzainei “bortizki eraso” zieten, eta “erabat gaitzetsi” ditu jokabideak.
Sindikatu deitzaileen arabera, ikasturte honetan Araba, Bizkaia eta Gipuzkoako sektore publikoan antolaturiko greben artean jendetsuena izan da asteartekoa, eta batez ere garraio publikoan, hezkuntzan eta udal esparruan izan du eragin handiena. Manifestazioetan 30.000 lagunek... [+]
Eusko Jaurlaritzak, sindikatuekin egindako bileran, hamar konpromiso hartu ditu. Bilera ontzat eman badute ere, hauteskundeak egitear direnez, denborarik eza azpimarratu dute sindikatuek. ENBAk adierazi du denbora gutxi dutela neurriak gauzatzeko, eta UAGAk nabarmendu du... [+]
Buruan foam jaurtigai batekin kolpea jasotako emakumeaz gain, bigarren pertsona bat zauritu zen Donostian asteartean ertzainek Realeko zaleen aurka egindako oldarraldietan. Ertzaintzak jakinarazi du kasu hau ere ikertzen ari dela.
Emakumea Donostia ospitalean ingresaturik dago, foam jaurtigaiak buruan jo eta odol isuria eragin ostean. Realaren eta Paris Saint Germainen arteko futbol partiduaren aurretik polizia agenteek egindako kargetan zauritu dute. Ertzaintzak barne ikerketa zabaldu duela jakinarazi... [+]