Lehendakari kargua hartu du Barkosek Legebiltzarrean

  • Nafarroako Gobernuko lehendakari kargua hartu du Uxue Barkosek Nafarroako Legebiltzarrean egindako ekitaldian.


2015eko uztailaren 22an - 12:48
Nafarroako Legebilzarrean hartu du lehendakari kargua Uxue Barkosek. (Arg.:Diario de Noticias)

Legebiltzarreko lehendakari Ainhoa Aznarezen aurrean hitz hauekin hartu du kargua, euskaraz eta gaztelaniaz: "Nafarroako Foru Erregimena hobetu eta errespetatzea, Konstituzioa zein legeak obeditzea eta nire karguaren eginbeharrak betetzea hitz ematen dut".

Aznarezek egindako hitzaldian Legebiltzarrak herria ordezkatzen duela adierazi du eta, beraz, legebiltzarkideek kaltetuenen sufrimendua saihesteko lan egin behar dutela. Parlamentua bizitza politikoaren "agora" bihurtu behar dela eta berdintasunaren, kohesioaren eta gizartearen interesen alde egingo duela azpimarratu du. Pozik agertu da, halaber, bi emakumek gidatuko dituztelako Nafarroako instituzio garrantzitsuenak, Legebiltzarra eta Gobernua.

Uxue Barkos astelehenean izendatu zuten Nafarroako Gobernuko lehendakari Legebiltzarrean, Geroa Bai, EH Bildu, Ahal Dugu eta Ezkerraren 26 botoekin. Barkosek ekitaldian azpimarratu duenez, “aldaketak sakona izan behar du, jasangarria, zentzuduna eta integratzailea”.

300 pertsona baino gehiago bildu dira Legebiltzarrean, Nafarroako gizarteko esparru ugari ordezkatuz, baita Espainiako instituzioetako beste agintari ugari ere. Yolanda Barcina lehendakari ohiarekin izan da, adibidez, Isabel Garcia Espainiako Gobernuko Nekazaritza eta Ingurumen ministroa.


Kanal honetatik interesatuko zaizu: Aldaketa politikoa Nafarroan
Uxue Barkos
"Nafar gizartean aldaketa sakona gertatu da"

Nafarroako Parlamentuko zarata politikotik at, Uxue Barkos lehendakariak gizartea lasai dakusa. “Kalera ateratzen bazara, jendea lasai ikusten duzu, lasaitasunez hartzen dute azken lau urteotan  gizartean gertatu den aldaketa sakona”, adierazi du Barkosek,... [+]


2018-12-14 | Mikel Asurmendi
Aldaketaren aldeko politika gauzatzen jarrai liteke Nafarroa Garaian

Nafarroako Foru hauteskundeak maiatzean izanen dira. EiTB Focusek egindako inkesta baikorra da oro har, gaur egun, Nafarroako Gobernuan ari den koalizioarentzat. Iruñeko Udalean ordea, egungo gobernuaren jarraipena kolokan liteke.


Ahal Duguko zuzendaritzaren kontrako bide legalak hartuko dituela iragarri du Laura Perez parlamentariak

Nafarroako Ahal Duguko bozeramaile ohiak bere kontra abiatutako prozesua salatu, eta aldaketa arriskuan ez dagoela azpimarratu du.


2017-10-12 | Andoni Mikelarena
'Euskara Ofiziala Nafarroa Osoan' kanpaina abiatu du Kontseiluak

Eremu mistoko hainbat herritan egingo dute kanpaina. Herritarrak instituzioei zonifikazioarekin amaitzeko eskabidea egitera bultzatu nahi dituzte.


2017-09-06 | Guaixe .eus
Nafarroako Parlamentuak Altsasuko auziko fiskaltzaren eskaerarekin "erabateko desadostasuna" azaldu du

Nafarroako Parlamentuko Bozeramaileen Batzordeak ferietako liskarragatik auzipetutako gazteen kontra fiskaltzak egindako zigor eskaeren aurka egin du.


Eguneraketa berriak daude