Lehen ezetzaren ostean, bake akordio berria sinatu dute FARCek eta Kolonbiako Gobernuak

  • Bake akordio berria sinatu zuten Kolonbiako Gobernuak eta FARC-EP gerrillak azaroaren 12an La Habanan. Erreferendumean ezezkoaren alde egin zuten herritarren proposamenak entzun eta hainbat aldaketa egin dituzte, komunikatu bateratuan azaldu dutenez.

Iosu Alberdi Atxurra @atxurraa
2016ko azaroaren 14a
Humberto De la Calle eta Ivan Marquez, Kolonbiako Gobernuaren eta FARCen delegazio buruak.

Kolonbiako presidente Juan Manuel Santosen esanetan zuzenketak egin behar izan dizkiote lehen itunari, baina haren oinarriak aldatu gabe. Urriaren 2an ezezkoaren alde egin zuten herritarren ehuneko handi bat baiezkora gerturatu nahi dute bi aldeek.

Humberto De la Calle gobernuko delegazioko buruak ezezkoaren aldekoek emaniko proposamenak aztertzeko ehun ordu inguruko lana egin behar izan dutela azaldu zuen. 500 proposamen baino gehiago landu zituzten akordioa berria osatzeko, 57 azpiataletan banatuak. Horietatik 56tan lortu zuten akordio batera iristea. FARCen esanetan, ezezkoaren aldekoen eskakizunen %65a bete dute, “hasieran jarririko marrak igaroaz”.

FARCeko delegazioko buru Ivan Marquezek “lan zail baina emankor” gisa definitu du negoziaketa. “Ezetzak bost urteko lana arriskuan jarri ostean, milioika herritarren zorionez, bakeak bere bidea jarraitzen du”, adierazi du. Gobernuak ELNrekin abiatu duen akordioak ere bide bera jarraitzea espero du FARCeko kideak.

Bi delegazioek Cubari eskerrak eman nahi izan dizkiote “eginiko lan diplomatiko bikainagatik”, Venezuela, Txile eta Norvegiaren elkartasuna ere eskertu dute.

Aldaketak baietza lortzeko

Trantsiziozko justiziaren inguruan egin dira aldaketa nabarmenenak, Kolonbiako hainbat egunkarik jakinarazi dutenez. Gatazkaren ondorioz eginiko krimenengatik kondenaturiko militarrentzat lege bereziak sortuko dira. Bestalde, landa erreforman, drogen aurkako politika berrian, biktimen erreparazioan eta gatazkaren amaiera egiaztatzean ere aldaketak egin dira.

Oraindik ez dago garbi nola irtengo den aurrera akordio berri hau. Kolonbiako presidenteak hiru bide aipatu zituen: beste erreferendum bat, kongresuaren eta udalen esku uztea erabakia edo galdeketarik egin gabe jarraitzea. Beti ere, ahalik eta azkarren egin beharrekoa dela azpimarratuz zuen, 2018ko hauteskundeetako kanpaina hasi aurretik.

Kanal hauetan artxibatua: FARC  |  Kolonbia  |  Bakegintza

FARC kanaletik interesatuko zaizu...
2017-09-01 | Jon Torner Zabala
FARC eta bere futbol talde profesionala: gerrillariek ere "gol!" egin nahi dute oihu

Alderdi politiko bilakatu den FARCek futbolari gazteak hezi eta profesional bihurtzea du helburu, erakundeko Kirol Zuzendaritzako kide Edgar Cortések adierazi duenez. Blu Radio irratian egin dioten elkarrizketan, azaldu du vereda-guneetan futbola eta oro har kirola oinarri duten ekimenak burutuko dituztela, gizarteratzea xede.


2017-09-01 | Xalba Ramirez
FARCetik FARCera

Gerrilla mugimendua izatetik alderdi politikoa izatera jauzia egin du FARCek, siglak mantenduta. Izena eta logoa adostu dituzte: Guztion Indar Alternatibo Iraultzailea.


2017-06-11 | Xuban Zubiria
"Multinazionalek ahal duten guztia egingo dute bake akordioa bete ez dadin"

SAT sindikatuak gonbidatuta bi hilabete igaro ditu Luis Plaza Velez sindikalista eta irakasle kolonbiarrak Espainiako Estatuko sindikalismoa aztertzen. Euskal Herrira egindako bisita baliatu dugu Kolonbiaren gaurkotasunaz galdetzeko.


Erresistentzia martxa koloretsua

Kolonbiako herri indigenetako milaka lagunek “lurraldea, bizitza eta herrien duintasuna” aldarrikatu dute Jamunditik Calirainoko martxan. Gobernuaren eta FARC-en arteko akordioaz geroztik 180 herritar indigena hil dituztela eta herri indigenen aurkako giza eskubideen urraketa etengabea dela salatu dute ondorengo komunitateetako kideek: Guainia, Meta, Guajira, Amazonas, Misak eta Chami. Amalurra defendatu eta babesteagatik beldurtzen, hiltzen edo herrietatik botatzen dituztela salatu... [+]


Hogei egunez luzatu dute FARC-EPren armagabetzea, bake prozesuaren atzerapenagatik

Hiru astez luzatu dute FARC-EPren armagabetze prozesua; maiatzaren 30ean zen amaitzekoa, hasierako akordioaren arabera, baina ekainaren 20ra arte luzatu dute epea. Gobernuak ez ditu bake prozesurako azpiegiturak burutzeko epeak bete, eta atzerapenak eragin ditu.


2017-05-03 | Unai Aranzadi
Kolonbia ikusezina
MULTIMEDIA - dokumentala

Edozein gatazka konpontzeko horren arrazoiak ezagutu behar dira, zergatik ez ote dira Kolonbiarenak ezagutzera ematen? Santos presidenteak nazioarteko proiektu erraldoi baten inaugurazioan xanpaina edaten duen bitartean, handik gertu, proiektu horren erruz lekualdatutako haurrak hiltzen dira. Gerrillaren buruetako bat hil dutela esaten du Reyes jeneralak, baina ordu gutxira, indigenen buru zela onartzen du. Hiru haurren bortxaketagatik eta hilketagatik auziperatutako militarren kasua ikertzen... [+]


Kolonbiako Gobernua ez da Habanako bake akordioa betetzen ari

FARC-EP gerrillako buruek, Bogotan egindako prentsaurrekoan, salatu dute Kolonbiako Gobernua ez dela betetzen ari Habanako bake akordioetan adostutakoa. Ez ditu eraiki desmobilizaziorako eta armagabetzeko beharrezko azpiegiturak, eta horrek prozesua atzeratzea eragin du. Gainera, FARC-EPren erretiratzearekin paramilitarren ofentsiba gogortzen ari da, eta gobernuak ezikusiarena egiten du horren aurrean.


Bake akordio berria sinatuko dute gaur Kolonbian, oposizioaren ezetzaren aurrean

Bake akordio berriaren sinatze ekitaldia egingo dute gaur Kolonbiako Gobernuak eta FARC gerrillak. Bigarren akordio hau Kongresuan onartuko da, lehenengoan erreferendum bidez ezezkoa gailendu ondoren. Bogotako Colon antzokian egingo dute ekitaldia, Euskal Herrian arratsaldeko bostak direnean.


Bakearen Aldeko Kanpamentuak bi aste egin ditu Bogotako Bolivar plazan

Bolívar plaza erdian, Bogotako plaza nagusian, Bakearen Aldeko Kanpamentua mantentzen dute hainbat pertsonak urriaren 5etik, plebiszituan ezezkoak irabazi ostean. Ez dituzte hala nolako bizilagunak aukeratu: Kolonbiako Kongresua, Bogotako alkatetza, Justizia Jauregia eta Kolonbiako artzapezpikutzaren egoitzek inguratuta daude. 300 lagun inguru daude egun bertan bilduta.


Urte amaierara arte luzatuko da Kolonbiako su-etena

Juan Manuel Santos Kolonbiako presidenteak FARC gerrillarekin duen su-etena abenduaren 31era arte luzatu du. Akordioaren aldeko eta aurkakoekin bildu ostean eman du erabakiaren berri.


Eguneraketa berriak daude