Lehen bi postuetan emakumeak jartzeagatik atzera bota dute hautagai zerrenda EHUn
Hautagaien zerrendak sexuen alternantzia mantentzea du baldintza (emakume-gizon-emakume…), EHUko Osasungintza fakultateko batzorderako hauteskundeetan. Baldintza horren helburua parekidetasuna eta emakumeen presentzia bermatzea dela ulertuta, zerrendaren lehen bi postuetan emakumeak jarri ditu Geure Osasungintza Eraikiz ikasle taldeak, baina zerrenda inpugnatu dietela kexatu dira.
Emakumeon presentzia bermatu beharrean, mugatu
“Orain arte erabakitze organo hauetan emakumeek izandako presentzia hutsalari erantzuten dio EHUren baldintzak, berdintasuna bermatzeko asmoz. Baina gure fakultateko errealitatea, ehuneko handiena emakumeak izanda eta bertako eragile desberdinetan dugun paper aktiboa kontuan edukita, oso desberdina da. Beraz, araudi honek gure kasuan emakumeon presentzia bermatu beharrean, erabat mugatzen du”, azaldu du ikasle taldeak. Abenduaren 21ean izango dira hauteskundeak.
“Berehala jaso genuen erantzuna, zerrendako lehen bi postuetako batean gizon bat jarri ezean gure zerrenda inpugnatuko zuten. Guk gure erabakia argudiatu eta lehen bi postuak emakumeok betetzearen hautua berretsi genuen”. “Erabakia argudiatu arren, ez dute atzera egin”, gaineratu dute.
Geure Osasungintza Eraikiz taldearen helburua, “ikasle kontseiluak bete beharko lukeen ikasleon ordezkaritza apurtu eta ikasleon hitzari legitimazio osoa emango dion Ikasle Asanblada eratzea da. Izan ere, ikasleok erabakitze-organo horietan dugun esku-hartzea ia hutsala da”.
EHUk Tel Aviv-eko unibertsitatearekin etorkizuneko lankidetzarako bideak ahalbidetzen dituen zibersegurtasuneko katedra bat sortu izanaren harira, bertako langileok interpelatuak izan gara hainbat lekutatik, eta esan beharra dut neurri handi batean lotsatuta sentitu naizela,... [+]
Azken lau hamarkadetan itsasoaren gainazalaren tenperatura-igoerak makroalgen komunitateetan izan duen eragina aztertu du EHUko ikerketa-talde batek. Bizkaiko kostaldeko eremu batean sakonera-puntu desberdinak ikertu dituzte eta ikusi dute egituratzaileak diren afinitate hotzeko... [+]
Proiektuaren memorian, nazioarteko erakunde laguntzaileak daude, eta horien artean Tel Aviveko unibertsitatea nabarmentzen da "erreferentzia" gisa. El Saltok lortu duen dokumentazioaren arabera, gobernu sionistak Gazan genozidioa hasi eta egun gutxira onartu zen... [+]
Euskal Herriko Unibertsitateko Bitartez ikerketa taldeak eta Pikara Magazine agerkariko kideek sortu dute.