Donostiako Udalak proposatu berri duen pisu turistikoen ordenantza legez kanpoko pisuentzat "amnistia" dela salatu du Donostiako EH Bilduk. Alde Zaharrean ezin izango da pisu gehiagoireki, baina salatu dute jada martxan daudenak ixteko ez dela neurri berezirik hartuko.
Ostegun goizean aurkeztu du Donostiako Udalak ordenantza berria eta jarraian egin du agerraldia EH Bilduk. Hilabeteak daramatza koalizioak balizko amnistia bat gerta daitekeela salatzen. Euren iritziz, legez kanpo dauden mila pisu turistikoen kontra neurri zehatzak proposatu behar dira
Udalak hiru hirigune proposatu ditu. Lehena Alde Zaharra eta Portua. Bertan ezin izango da pisu turistiko gehiago ireki hemendik aurrera eta hamar teknikari eta udaltzainez osatutako lantalde batek jarraipen estua egingo dio horri. Ordea, lehen solairuan ez dauden pisu turistikoen kontra ez da neurri zehatzik espero. Orain arte Udalak 150 pisuri soilik kendu die lizentzia.
B gunea Gros, Erdialdea eta Egiako Frantzia pasealekua izango dira eta bertan lehen solairuko araua mantenduko da. C gunean gainontzeko hiri osoa sartuko da, eta bertan lehen solairukoa legea kenduko du Udalak, "Alde Zaharreko saturazioa banatu dadin". Eraikinaren azalera osoaren herena gehienez baimenduko da negozioetarako.
Etxebizitza turistikoen araudia onartu dugu. Alde Zaharra eta Portua gune saturatuak izango dira. Hiri oreka bilatzea da helburua. #Donostia pic.twitter.com/jCnoNZLkfo
— Eneko Goia (@EnekoGoia) 2017(e)ko abuztuak 31
Donostia Turismoak apirilaren 10etik aurrera jarriko du neurria indarrean, eta derrigorrez bete beharko da, bestela isunekin zigortuko dutelako gidari turistikoa.
Turismoari buruzko pertzepzioaz galdetu die EHUk donostiarrei, eta ondorioztatu du herritarren erdiak baino gehiagok “frustrazioa” sentitzen duela. Donostiako Udalak eta Eusko Jaurlaritzak finantzatu dute ikerketa.
Donostiako eta Oviedoko bi eraikinetan izandako arazoak direla eta, epaileek auzokoen erkidegoen esku utzi du pisu turistikoak debekatzea. Hala ere, beharrezkoa izango da debekua eraikineko etxebizitzen-estatutuan jasota egotea.
Estatu mailan tasa turistikoa erkidego gutxik jarri badute ere indarrean, mundu mailan dagoeneko 137 hiri turistikotan kobratzen dute zerga hori.
Hiritarrek salatu dute turismo jarduerak hirian “gehiegizko bolumena eta pisua” hartu duela. Halaber, egoera “desazkunde turistikorantz” bideratzea aldarrikatu dute, “kalteak handitzea eta iraunkortzea” ekiditeko.