Lau gizonezko atxilotu dituzte azken hiru egunetan, emakumeen kontrako erasoengatik
Igandetik asteartera bitartean eman dira atxiloketak, Iruñean, Gasteizen eta Irunen.
Igandean, uztailak 8, sexu abusuak egitea leporatuta atxilotu zuten gizonezko bat Iruñean. Iruñean bertan, uztailaren 10ean, asteartea, arrazoi berarengatik atxilotu dute beste gizonezko bat emakumeak salaketa jarri ostean. Kasu bietan, Iruñeko Udalak orientaziorako laguntza eta arreta judizial zein psikologikoa jarri ditu emakumearen eskura.
Atxiloketa horietaz gain, igandean, uztailak 8, 39 urteko gizonezko bat atxilotu zuten Gasteizen bere bikotekidea den emakumeari eraso egiteagatik. Bikotekideak etxean eraso egin ziola esanez deitu zuen Ertzaintzara emakume batek, eta bertaratu zirenean atarian konorterik gabe aurkitu zuten. Konortea berreskuratu zuenean, bikotekideak jo zuela azaldu zuen. Emakumeak besoa minduta eta buruan kolpea zituen, eta Santiagoko ospitalera eraman zuten. Erasotzailea berriz, etxean bertan atxilotu zuten eta epailearen esku utzi dute.
Azkenik, uztailaren 9an, astelehena, 46 urteko gizonezko bat atxilotu zuten Irunen bere bikotekideari labanaz eraso egiteagatik. Erasoa salatu egin zuen emakumeak, eta honek adierazitakoaren arabera, gizonezkoak Irungo zerbitzugune batean eraso zuen astelehen gauean, labanarekin zaurituz eta eskuan ebaki bat eginez. Ertzaintza zerbitzugunera gerturatu zen, eta bertan atxilotu zuten erasotzailea. Emakumea berriz Bidasoako ospitalera eraman zuten.
Eremu digitalak, gizakion dinamiketatik edaten duen heinean, gizarte eredu ezberdinetan aurkitu ditzakegun antzeko arazoak ditu. Pertsonen arteko arazo asko botere kontua izan ohi da; botere arazoek indarkeria dakarte zenbaitetan. Esate baterako, indarkeria matxista.
Eremu... [+]
Bizkaiko Foru Aldundiko Emakumeak Babesteko eta Familiei Laguntzeko zerbitzuan, lau psikologotik hiru kendu dituzte. Are gehiago, langileek salatu dute indarkeria matxistaren biktimak artatzeko plan berriak emakume ugari uzten dituela kanpoan.
Emakumea oso larri dago erietxean, Sud Ouest egunkariak jakinarazi duenez. Haren bikotekidea izan daitekeen gizona fidantzarik gabeko atxiloaldian sartu dute, aurrekariak dituelako.
Indarkeria matxistaren datu "onartezinak" salatu ditu Txibite presidenteak. Izan ere, Nafarroan erregistratutako salaketen %17 sexu-indarkeriagatik dira. Hartara, bihar zabalduko duten Sexu Indarkerien Arreta Integraleko Zentro "seguru eta konfidentzialaren"... [+]